Хәйбулла районында байыҡтырыу фабрикаһы ятҡылыҡ эргәһендә буласаҡ

Светлана Ғәфүрова

Хәйбулла районында «Юбилей» ятҡылығы өсөн байыҡтырыу фабрикаһының беренсе сиратын быйыл октябрҙә сафҡа индерергә планлаштыралар. Фабриканың баҡыр циклы менән тәүге сафҡа индереләсәк комплексы йылына 1,5 миллион тонна руда эшкәртеүгә иҫәпләнгән. Киләсәктә байыҡтырыу фабрикаһын киңәйтергә һәм уның етештереүсәнлеген йылына өс миллион тонна рудаға тиклем арттырырға планлаштырыла. Быйыл уны ҡоралландырыуға инвестициялар 1,7 миллиард һум тәшкил итәсәк.

«Юбилей» ятҡылығы 1966 йылдың авгусында асыла. Ул Көньяҡ Уралдың көнсығыш битендә, Петропавловский ауылы эргәһендә Таналыҡ һәм Быҙаулыҡ йылғалары араһындағы һыу айырғыста урынлашҡан.

Ятҡылыҡты 1996 йылда эшкәртә башлайҙар. 2006 йылдың 1 мартына тиклем эштәрҙе «Хәйбулла тау компанияһы» асыҡ акционерҙар йәмғиәте алып барҙы. Уларҙан һуң производство-хужалыҡ эшмәкәрлеген бында «Башҡортостан баҡыры» яуаплылығы сикләнгән йәмғиәте алып бара.

«Юбилей» алты руда ятҡылығынан тора. Уларҙың өсәүһе әлеге ваҡытта асыҡ ысул менән эшкәртелә. Ҡалған өсәүһе ер аҫты ысулы менән үҙләштереләсәк. Руда ятҡылыҡтары 584 метрға тиклем тәрәнлектә урынлашҡан. Уларҙа 9,4 миллион тонна самаһы руда бар. Был ятҡылыҡтарҙы Көньяҡ вентиляция һәм клеть шахта үҙәктәре менән табырға планлаштырыла. 2018 йылға улар йылына 400 мең тонна руда табыуҙы тәьмин итергә тейештәр. Ул саҡта рудниктың етештереүсәнлеге 650 мең тоннаға тиклем артасаҡ.

1 из 2

#ер аҫты байлыҡтары #сәнәғәт

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.