Белорет металлургия комбинаты коллектив договор шарттарын үтәй ала

«Мечел» компанияһына ингән Белорет металлургия комбинатында предприятие хакимиәте һәм профсоюз комитеты вәкилдәренең быйыл беренсе ярты йыллыҡтағы коллектив договорҙы үтәү йомғаҡтарына арналған берлектәге ултырышы үткәрелде.

Предприятиеның эш һөҙөмтәләре һәм метиз баҙарындағы эштәр торошо тураһында ултырышта ҡатнашыусыларға «БМК» асыҡ акционерҙар йәмғиәтенең идара итеүсе директоры Виктор Камелин һөйләне. Ул, комбинаттың 2010 йылдың алты айындағы эше ыңғай баһалана, тип билдәләне: метиз продукцияһы етештереү 219 мең тоннаға тиклем арттырылған, был былтыр ошо уҡ осорҙа етештерелгәндән 153 процентҡа күберәк, прокат — 314 мең тоннаға тиклем (23 процентҡа). Ярты йылда предприятие 321 миллион һум саф килем алған, ә 2009 йылдың ғинуар-июнендә 229 миллион һумлыҡ зыян күргәйне. Йәғни коллектив договорҙың бөтә пункттары тулы күләмдә үтәлергә тейеш – бының өсөн бөтә нигеҙҙәр бар.

Эш биреүсе менән эшсенең мөнәсәбәттәрен көйләүсе төп документтың был пункттары тураһында комбинаттың профсоюз комитеты рәйесе Георгий Хлесткин тәфсирләп һөйләне. Уның һүҙҙәренә ҡарағанда, предприятие коллективы 2010 йылға ҙур производство программаһын үтәренә ышана.

Предприятие хакимиәте менән профсоюз комитетының 2010 йылдың беренсе ярты йыллығында коллектив договорҙы үтәү буйынса эшенә ыңғай баһа бирелде. Шулай уҡ коллективтың быйыл икенсе ярты йыллыҡҡа төп бурыстары билдәләнде. Улар араһында – етештереү ҡалдыҡтарын кәметеү һәм хеҙмәт етештереүсәнлеген кәметеү буйынса эш.