70.86
-0.13
82.5
-0.14
85.66
+1.05
9+ °C
Облачно
Бөтә яңылыҡтар
Иҡтисад
16 Август 2010, 14:59

Республика эшҡыуарҙары Халыҡ-ара урман форумында ҡатнашыуға саҡырыла

XII Петербург халыҡ-ара урман форумы төньяҡ баш ҡалала октябрҙә үтәсәк. Башҡортостан эшҡыуарҙары – урман сәнәғәте комплексы вәкилдәре лә унда ҡатнашыуға саҡырыла. Башҡортостан делегацияһы визиты 18-20 октябргә планлаштырыла.
Петербург форумы тармаҡ мәсьәләһе буйынса фекер алышыу өсөн эшҡыуарҙар, иҡтисадсылар, ғалимдар, сәйәсмәндәр осрашҡан иң эре Рәсәй майҙансығы иҫәпләнә.
БР Сауҙа-сәнәғәт палатаһының мабуғат хеҙмәтенән хәбәр итеүҙәренсә, республика делегацияһының ”Урман комплексында бәләкәй һәм урта бизнес – ҙур мөмкинлектәр” исемле түңәрәк өҫтәлдә ҡатнашыуҙары планлаштырыла. Шулай уҡ Санкт-Петербург һәм Ленинград өлкәһе урман сәнәғәте предприятиелары етәкселәре менән бизнес-осрашыуҙар көтөлә.
Форумда ҡатнашыу буйынса тулыраҡ мәғлүмәтте БР Сауҙа-сәнәғәт палатаһының Халыҡ-ара һәм төбәк-ара хеҙмәттәшлек идаралығынан алырға мөмкин.
Автор:Эльвира Латипова