Роспотребнадзор өс партия аҙыҡ-түлек продукцияһын бракка сығарҙы

Рәсәй ҡулланыусылар күҙәтеүенең БР буйынса идаралығы 29 июлдән 4 авгусҡа тиклем 63 объектта санитар ҡануниәтен үтәүҙе тикшерҙе. Административ тикшереү барышында шәхси эшҡыуар Ғәллиевтың “Наш гастроном” магазинында белгестәр 1,47 килограмм ауырлыҡта боҙола башлаған 3 партия аҙыҡ-түлекте бракка сығарҙы. 0,38 килограмлыҡ «Рощинский» сарделькалары партияһы, 0,714 килограмм аурлыҡта «Туймазы» шпикачкалары һәм 0,376 килограмм ауырлыҡта «Новомосковская» тултырмаһы һатыуҙан алынды.

Тикшереүҙәр һөҙөмтәһендә асыҡланған ҡағиҙә боҙоуҙарҙы бөтөрөргә 24 күрһәтмә бирелде, 149,6 мең һумға 44 штраф һалынды.