Аграрийҙар силос культураларын урып йыйыуға төштө

Ғәлиә Нәбиева

Республика мал аҙығы әҙерләүселәре күп йыллыҡ һәм бер йыллыҡ үләндәрҙе беренсе сабып алыуҙы тамамланы. Ямғыр яуған урындарҙа, ихтимал, тағы бер уңыш алырҙар. БР Ауыл хужалығы министрлығының мал аҙығы етештереү бүлеге мәғлүмәттәренә ҡарағанда, бөгөнгө көнгә республикала 414 мең тонна бесән әҙерләнгән, был талап ителгәндең 57 процентын тәшкил итә. Былтыр был датаға мал аҙығының был төрө менән тәьмин ителеү 78 процент кимәлендә ине. Сенаж да ошондай уҡ процент нисбәтендә әҙерләнгән. Уларҙы тонналарға әйләндергәндә, 1 миллион 265 мең тонна килеп сығасаҡ.

Ауыл халҡы мал аҙығының бөтә төрҙәрен файҙаланырға тырыша. Хатта элекке йылдарҙа ваҡлап, сидераль ашлама сифатында баҫыуҙарҙа ҡалдырылған һаламды ла был миҙгелдә преслап, мал аҙығы ихаталарына ташыйҙар. Бөтәһе 218 мең тонна һалам әҙерләнгән.

Хәҙерге ваҡытта республика аграрийҙары силос культураларын урып йыйыуға тотондо. Бөгөнгә мал аҙығы йыйыу комбайндары уларҙы 33 мең гектар майҙанда йыйып алды. Был эшкә Бишбүләк, Ейәнсура, Күгәрсен, Тәтешле, Яңауыл, Мәләүез райондарында тотондолар.

Ҡоролоҡтан зыян күргән райондар быйыл үлән үҫкән урындарҙа мал аҙығы әҙерләүен дауам итә. Республика МТС-тары көсө менән Свердловск, Ырымбур, Силәбе өлкәләрендә һәм Пермь крайында бесән һәм һалам әҙерләү алып барыла. БР Ауыл хужалығы министрлығының һуңғы мәғлүмәттәренә ҡарағанда, күрше төбәктәрҙә 15 мең тоннанан ашыу тупаҫ мал аҙығы әҙерләнгән.

Тотош алғанда, республика буйынса бер шартлы мал башына 11,4 мал аҙығы берәмеге запасы булдырылған. Һәр һыйырға иҫәпләгәндә иң күп мал аҙығы Яңауыл районында тура килә – 20,4 мал аҙығы берәмеге. Борай районында һәр шартлы мал башына – 18, Стәрлетамаҡ – 16,5, Өфө – 15,6, Саҡмағош районында 15,1 центнер мал аҙығы берәмеге тура килә.

#ауыл хужалығы #мал аҙығы әҙерләү #ҡоролоҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.