Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Иҡтисад
27 Июль 2010, 19:01
Етем балаларҙың торлаҡ проблемаларын хәл итеү өсөн республикаға 13 млн. һум аҡса бүленәсәк
РФ субъекттарына 2010 йылға етем һәм ата-әсә ҡарауынан мәхрүм ҡалған балаларҙы, шулай уҡ опекаға (попечителлеккә) алынған балаларҙы торлаҡ менән тәьмин итеүгә бүленәсәк субсидиялар күләме билдәләнде.
Күрһәтелгән маҡсаттарға федераль бюджеттан бөтәһе 1,105 миллиард һумдан ашыу күләмендә средстволар йүнәлтелде. Субсидиялар РФ Хөкүмәтенең 2009 йылдың 31 декабрендәге 1203-сө Ҡарары менән раҫланған Ҡағиҙәләргә ярашлы бүленә. Дөйөм сумманан Башҡортостанға 13,055 миллион һум аҡса киләсәк. Был күрһәткес буйынса беҙҙең республика Волга буйы федераль округы төбәктәре араһында алтынсы урында. Иң ҙур траншты Ырымбур өлкәһе аласаҡ – 27,3 млн. һум, унан ҡала Удмуртия – 24,3 млн. һум, Һарытау өлкәһе – 17,7 млн. һум, Һамар өлкәһе – 16,1 млн. һум, Киров өлкәһе – 13,8 млн. һум.
Был Ҡағиҙәләр положениеларын тормошҡа ашырыу маҡсатында етем балаларҙы 2010 йылға торлаҡ биналары менән тәьмин итеүгә һәм РФ субъекттары бюджеттарының сығымдары һөҙөмтәлелеге күрһәткестәренең маҡсатлы әһәмиәттәренә федераль бюджеттан субсидиялар иҫәбенә РФ субъекттарының сығым йөкләмәләрен өҫтәп финанслау кимәлдәре лә раҫланды. Башҡортостан өсөн өҫтәп финанслау кимәле 45,7 процент күләмендә билдәләнде.
Автор:
Юлай Мәғсүмов
Теги:
етем балалар
торлаҡ
Читайте нас: