Башҡортостан һәм Өфө яңылыҡтары
92.26
-0.33
99.71
-0.56
86.97
-0.03
-3 °C
Болотло
Бөтә яңылыҡтар
Иҡтисад
21 Июль 2010, 12:35

Ер участкаларын һатыу буйынса сауҙа үткәрелә

Йома көндө, 23 июлдә, Өфө хакимиәтенең Муниципаль милек менән идара итеү комитеты индивидуаль торлаҡ төҙөлөшө өсөн ер участкаларын милекселеккә тапшырыу буйынса сираттағы сауҙа үткәрә. Бөтәһе 36 лот ҡуйыласаҡ. Улар араһында – ҡаланың Калинин, Киров, Ленин һәм Октябрь райондарындағы ер участкалары.
Иң күп лоттар – Нуғай ауылында, унда аукционға 15 участка ҡуйылған. Һигеҙ – Жилин ауылында. Өфө хакимиәтенең Муниципаль милек менән идара итеү комитеты хәбәр итеүенсә, Максимовка һәм Тихая Слобода биҫтәләрендә лә бер нисә участка һатыуға ҡуйылған.
Иң ҡиммәт лот – ҡаланың Октябрь районында. Уның башланғыс хаҡы – ике миллион һумдан ашыу.
Бөтә территорияларҙың уртаса майҙаны 1500 квадрат метр самаһы тәшкил итә. Иң бәләкәй участка майҙаны – мең квадрат метрҙан кәмерәк.
Аукцион аҙымы – башланғыс һатыу хаҡынан биш процент.
Сауҙа еңеүсеһе итеп аукционда лот өсөн иң юғары хаҡ тәҡдим иткән берҙән-бер ҡатнашыусы таныла. Аукцион комиссияһы сауҙа үткәргән көндө үк йомғаҡ яһай.
Автор:Рәсүл Хәмиҙуллин
Читайте нас: