Өфөлә 227 мең квадрат метрҙан ашыу торлаҡ файҙаланыуға тапшырылды

Евгений Рәхимҡолов

Быйыл тәүге алты айҙа Өфөлә 227,4 мең квадрат метр торлаҡ төҙөлөп файҙаланыуға тапшырылды. Был турала Өфө хакимиәтенең Капиталь төҙөлөш идаралығы начальнигы Ильяс Мөниров хәбәр итте. Уның һүҙҙәренә ҡарағанда, төҙөлөштөң бындай темптары былтырғы ошо уҡ осор кимәленән 6,9 процентҡа күберәк.

Төҙөлгән торлаҡтың күп өлөшө – 126 мең квадрат метры – аҙ ҡатлы йорттарға тура килә. Был йүнәлеш бөгөн айырыуса актуаль – йорттарҙың үҙҡиммәте артыҡ юғары түгел һәм ҡыҫҡа ваҡытта төҙөлә. Шуның менән бәйле, индивидуаль торлаҡ төҙөлөшөнә ярҙам итеү өсөн ҡала Советы ҡарары буйынса Өфө бюджетынан шәхси секторҙың инженер коммуникацияларын проектлауға һәм төҙөүгә 28,6 миллион һум аҡса бүленгән.

Ильяс Мөниров әйтеүенсә, 2010 йылда капиталь төҙөлөш буйынса Ҡала адреслы программаһын бойомға ашырыуға дөйөм алғанда 218 миллион һум аҡса бүленгән. Беренсе ярты йыллыҡта был аҡсанан социаль объекттар проектлауға, төҙөүгә һәм реконструкциялауға 135 миллион һум йүнәлтелгән дә инде.

Йыл аҙағына тиклем Өфөлә Ҡариҙел һәм Дим-8 биҫтәләрендә ете универсаль спорт майҙансығы, балалар баҡсалары, Сипайлово биҫтәһендә мәктәп файҙаланыуға тапшырырға, ҡаланың 26 дөйөм белем биреү учреждениеһында ашханаларҙы капиталь ремонтларға планлаштырыла. Бынан тыш, Өфө хакимиәтенең Капиталь төҙөлөш идаралығы 2010-2015 йылдарҙа 36 яңы балалар баҡсаһы төҙөү һәм алты элекке балалар баҡсаһын ҡайтарыу буйынса тәҡдим әҙерләгән. Сөнки бөгөн ҡалала мәктәпкәсә йәштәге балалар учреждениеларында урындар етешмәү мәсьәләһе айырыуса киҫкен тора.

#урындағы власть #төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.