Башҡортостанда урып йыйыу башланды

Ғәлиә Нәбиева

Башҡортостандың 26 районы ауыл хужалығы предприятиелары иген культураларын урып йыйыуға төштө. Ҡоролоҡ арҡаһында уңыш ҡыуандырырлыҡ түгел, әлбиттә. Ләкин республика аграрийҙары үҫтерелгәнде ваҡытында йыйып алырға һәм былай ҙа наҡыҫ уңышты мөмкин тиклем юғалтыуҙарһыҙ урып алырға йыйына.

БР Ауыл хужалығы министрлығы мәғлүмәттәренә ҡарағанда, сабыуҙы борсаҡтан, ужым арышынан, ужым бойҙайынан һәм тритикаленан башланылар. Бөгөнгә иген һәм ҡуҙаҡлы иген культуралары 37 мең гектарҙа сабып алынған. Был планға ҡарата 30% . 26 мең гектарҙа һуғып алынған. Республика буйынса һуғылған иген 23 мең тонна тәшкил итә. Ә уртаса уңыш – һәр гектарҙан 8,9 центнер.

Иген баҫыуҙарында Көйөргәҙе районы комбайнерҙары алда бара, унда майҙандың 22 процентында сабылған, 17 процентында һуғып алынған. Быйылғы ураҡта Стәрлетамаҡ районы эшсәндәре туранан-тура һуғыу алып бара. Был районда баҫыуҙарҙың 19 процентында иген урып йыйылған. Мәләүез районында иген һәм ҡуҙаҡлы иген культураларының 17 проценты сабылған, майҙандың 15 процентында һуғып алынған.

Дүртөйлө һәм Ҡырмыҫҡалы райондары баҫыуҙарында уңыш иң юғары – гектарынан 14 центнер. Мәләүез һәм Илеш райондары игенселәре 12-шәр центнер ала. Ҡоролоҡто иҫәпкә алып, агрономия хеҙмәте белгестәре, ужым культураларының уңышы сағыштырмаса юғарыраҡ, тип билдәләй. Комбайндар яҙғы культураларға күсеү менән уңыш һиҙелерлек кәм буласаҡ. Ҡоролоҡ эҙемтәһендә бөтәһе 890 мең гектар иген культуралары һәләк булды. Уларҙың һәләк булыуы буйынса акттар төҙөлдө.

#ауыл хужалығы #урып йыйыу #ҡоролоҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.