I ярты йыллыҡта Өфөлә сәнәғәт производствоһы индексы 108,3% тәшкил итте

Евгений Рәхимҡолов

Беренсе ярты йыллыҡ йомғаҡтары буйынса сәнәғәт производствоһы индексы былтырғы ошо уҡ осор менән сағыштырғанда 108,3% тәшкил итте. Был турала бөгөн Өфө хакимиәтендәге кәңәшмәлә ҡала башлығы Павел Качкаев хәбәр итте. Уның әйтеүенсә, хәҙерге ваҡытта ҡала сәнәғәт тармаҡтарының береһендә генә сәнәғәт производствоһы индексы 100 проценттан кәмерәк булып ҡала — был аҙыҡ-түлек продукттары етештереү. Бында сағыштырмаса түбән күрһәткестәр колбаса һәм икмәк-булка изделиелары сығарыуҙа бер ни тиклем тотҡарлыҡтар менән нигеҙләнә. Бөгөн был тармаҡта сәнәғәт производствоһы индексы 97,4% кимәлендә. Әммә, Павел Качкаев фекеренсә, йыл аҙағына ул да йөҙгә етергә тейеш.

Ыңғай динамика ҡаланың төҙөлөш комплексында ла күҙәтелә. Бында сәнәғәт производствоһы индексы 107% тәшкил итте, тимәк, бер йылда 620 мең квадрат метр торлаҡ файҙаланыуға тапшырыу планы мотлаҡ үтәләсәк.

Иҡтисадтың тотороҡланыуы халыҡтың табышында ла ыңғай сағыла. Мәҫәлән, Өфөлә уртаса эш хаҡы кимәле әлеге ваҡытҡа 20,8 мең һумға тиклем үҫте. Эшһеҙлек менән хәл дә тотороҡло булып ҡала. Бөгөн ҡалала теркәлгән 12,5 мең эшһеҙгә вакансиялар банкында 12,4 мең буш эш урыны бар, йәғни һәр кем эшкә урынлашыу мөмкинлегенә эйә.

Ҡалала демографик хәл дә имен булып ҡала. Быйыл тәүге алты айҙа тыуым алты процентҡа үҫте, ә халыҡтың тәбиғи артыуы Өфөлә 725 кеше тәшкил итте, был былтырғы күрһәткестән артығыраҡ.

#урындағы власть

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.