Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Иҡтисад
9 Июль 2010, 15:14
Башҡортостанда хәләл продукцияның икенсе күргәҙмә-йәрминкәһе үтәсәк
Башҡортостан Республикаһында хәләл продукцияның икенсе күргәҙмә-йәрминкәһе үтәсәк. «Башинформ» агентлығына БР Мосолмандарының Диниә назараты ҡарамағындағы «Хәләл» стандарты буйынса комитет рәйесе Тимур Шәңгәрәевтың хәбәр итеүенсә, был юлы уны үткәреү урыны итеп Мәләүез ҡалаһы һайланған.
Күргәҙмәгә Башҡортостанда сертификация үткән шәриғәт ҡанундары буйынса хеҙмәт күрһәтеүселәр һәм хәләл продукция етештереүселәр йыйыласаҡ. Улар араһында беҙҙең республиканан 15 ойошма, шулай уҡ Белгород, Екатеринбург һәм Силәбе өлкәләре предприятиелары бар. Бынан тыш, күргәҙмәгә Мәскәүҙән һәм Татарстандан ҡунаҡтар киләсәк, улар был сара дауамында үткәреләсәк семинар һәм кәңәшмәләрҙә ҡатнашасаҡ.
Хәтерегеҙгә төшөрәбеҙ, Башҡортостанда хәләл продукцияның тәүге күргәҙмә-йәрминкәһе быйыл мартта Дүртөйлөлә үткәрелгәйне. Унда туҡланыу продукттарынан алып кейемгә, косметиканан алып китаптарға һәм медицина хеҙмәтләндереүенә тиклем һәр төрлө аҙыҡ-түлек продукттары һәм хеҙмәттәр тәҡдим ителде.
Икенсе күргәҙмә-йәрминкәне асыу 7 авгусҡа планлаштырылған.
Автор:
Евгений Рәхимҡолов
Теги:
күргәҙмәләр
Читайте нас: