Нефтекама автозаводы Түбәнге Новгородта үткән халыҡ-ара автобус салонында Кубок һәм алтын миҙал алды

«Нефтекама автозаводы» асыҡ акционерҙар йәмғиәте халыҡ-ара кимәлдәге наградаларға лайыҡ булды. Түбәнге Новгородта 30 июндән 2 июлгә тиклем барған Рәсәйҙәге беренсе «Busworld Russia» Халыҡ-ара автобус салонында автобус эшләүҙә Рәсәйҙәге лидер булараҡ предприятиеға Кубок һәм алтын миҙал тапшырылды.

Форум IRU Бөтә донъя автомобиль транспорты союзы ҡатнашлығында Busworld International Limited (Бельгия) компанияһы менән ойошторолған. Улар бар донъя буйынса иң күләмле күргәҙмәләр үткәреүсе булараҡ танылған.

Тәүге «Busworld» автобус салоны 1971 йылда Бельгияның Кортрейк ҡалаһында үтә. Артабан был күргәҙмә үткән ҡалалар исемлегендә — Мумбай (Индия), Шанхай (Ҡытай), Истанбул (Төркиә), Сан-Паулу (Бразилия) һәм башҡалар. Һәм бына беренсе тапҡыр салон Рәсәйгә лә килеп етте.

Күргәҙмәгә Рәсәй, Беларусь, Украина, Литва, Швейцария, Бельгия, Израиль, Германия, Ҡытай, Швеция, Төркиә, Франция, Финляндия кеүек 13 илдән пассажир автобустары, троллейбустар һәм шасси етештереүселәр, шулай уҡ донъяның 30-ҙан ашыу иленән делегациялар йыйылды. Үҙенең продукцияһын «ГАЗ» төркөмө», «Минск автомобиль заводы" (МАЗ), MAN, Mercedes, Volkswagen, Youtong һәм башҡа бихисап Рәсәй һәм сит ил компаниялары тәҡдим итте.

«НефАЗ» асыҡ акционерҙар йәмғиәтенән хәбәр итеүҙәренсә, Нефтекама автозаводы күргәҙмәлә иң күләмле экспозицияларҙың береһен йәйелдергән. Бында VDL-НефАЗ-дың берлектәге производствоһы автобустары - туристик НефАЗ-52999, ҡала-ара маршруттарҙа йөрөүсе НефАЗ-52996, 15 метрлы НефАЗ-52998 ҡала автобусы, өҫтәмә өлөштән торған НефАЗ-52995 ҡуйылған. Бынан тыш, НефАЗ-5299-30-32 ҡала автобусы (уңайлаштырылған интерьерлы), ҡала яны маршрутында файҙаланыусы НефАЗ-5299-11-32, газ двигателе ҡуйылған ҡала яны автобусы, яңыртылған экстерьерлы НефАЗ-5299-37-32 ҡала-ара автобусы ла тәҡдим ителгән.

Наградалар һәм бүләктәр тапшырыу күргәҙмәнең кульминацияһына әйләнә. Нефтекама автозаводы продукцияһы иң юғары баһа ала.

1 из 2

#сәнәғәт #күргәҙмәләр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.