Өфөлөләрҙең яртыһынан ашыуы үҙ эшенән ҡәнәғәт

Евгений Рәхимҡолов

Өфөлә йәшәүселәрҙең яртыһынан ашыуы (51,4%) үҙенең хәҙерге эшенән ҡәнәғәт, шул уҡ ваҡытта 9,6 проценты уны нисек тә тиҙерәк алыштырырға теләй. Өфө хакимиәте үткәргән бындай социологик тикшеренеүҙәр һөҙөмтәләре хаҡында ҡала башлығы Павел Качкаев хәбәр итте.

Өфөлөләрҙаң күбеһе (80%) ҡалала экологик шарттарҙы насар тип баһалауы уйланырға мәжбүр итә. Бер йыл элек һорауға яуап биреүселәрҙең 72 проценты ошондай фекерҙә ине.

Һорау алыуҙа ҡатнашыусыларҙың яртыһынан ашыуы (55,2%) ҡаланың санитар торошона ыңғай баһа бирҙе һәм 40 процент тирәһе уны ҡәнәғәтләнерлек түгел тип иҫәпләй. Шул тиклем үк өфөлөләр ҡалала сүп-сар сығарыу насар ойошторолған (46%) һәм ял итеү урындары етерлек яҡшы төҙөкләндерелмәгән (39%) тип иҫәпләй.

Уның ҡарауы, Өфөнөң йәмәғәт транспорты бик юғары баһа алды. Һорауҙарға яуап биреүселәрҙең 92 проценты уның эшен ыңғай баһаланы. Күптәр шулай уҡ ҡалала юлдар торошо ла юғары кимәлдә, тип иҫәпләй.

Республика баш ҡалаһында дөйөм иҡтисади хәлде унда йәшәүселәрҙең 28,6 проценты 2009 йыл менән сағыштырғанда – яҡшырған, 26,4 проценты насарайған тип иҫәпләй. Былтырғы менән сағыштырғанда табыштары нисек үҙгәреүе хаҡында һорауға өфөлөләрҙең 35,6 проценты, артты, тип яуап бирҙе, һәм 24,5 проценты, кәмене, тине. Ҡалғандары табыштары үҙгәрмәне тип иҫәпләй.

Шул уҡ ваҡытта халыҡтың 60 проценттан ашыуы Өфөлә быйыл аҙыҡ-түлеккә хаҡтар былтырғыға ҡарағанда йылдамыраҡ арта тип иҫәпләүе ғәжәпләндерә, сөнки ҡала хакимиәтенең рәсми статистикаһы киреһен иҫбатлай. Был осраҡта халыҡ фекерендә иҡтисади көрсөк эҙемтәләре үҙен һиҙҙерәлер, моғайын.

1 из 2

#урындағы власть #социаль тикшереүҙәр

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.