Ҡариҙел районы урман сәнәғәте предприятиеларына 147 миллион һум инвестицияланды

Рәсүл Хәмиҙуллин

Ҡариҙел районында урман сәнәғәте тармағы уңышлы үҫешә. Иҡтисадтың был секторында 25 урта һәм ваҡ ағас әҙерләү һәм эшкәртеү предприятиелары эшләй. Уларға 147 миллион һумдан ашыу аҡса инвестицияланған. Ҡариҙел районы хакимиәте башлығы Илдар Мусин һөйләүенсә, быйыл биш айҙа район буйынса тейәп оҙатылған сәнәғәт продукцияһы күләме 43 миллион һум тәшкил итте — 2009 йылдың ошо уҡ осорондағынан дүрт процентҡа күберәк. Бындай күрһәткес әүҙем эшләү һәм урман сәнәғәте предприятиеларына яңы технологиялар индереү һөҙөмтәһе булып тора.

Ауыл хужалығы тармағы ла иғтибарһыҙ ҡалдырылмай. Бөгөн Ҡариҙел районы хужалыҡтарында 30 мең баш самаһы һыйыр малы, шулай уҡ 23,5 мең һарыҡ, 5,5 мең сусҡа һәм 107 мең ҡош-ҡорт иҫәпләнә. Һуңғы йылдарҙа бер меңдән ашыу тоҡомло мал һәм 25 нәҫел үгеҙе һатып алынған. 2010 йылға тиклем район Малсылыҡты үҫтереү программаһын үтәү сиктәрендә 24 буш торған малсылыҡ бинаһынан 20-һе тултырылған. Ҡалғандары быйыл тултырыласаҡ.

— Ауыл хужалығының булған потенциалы инвесторҙарҙың иғтибарын нығыраҡ йәлеп итә бара, — тип билдәләне Илдар Ғаяз улы. – Райондың агросәнәғәт комплексын үҫтереү буйынса берлектәге инвестиция проекттары көтөлгән һөҙөмтә бирә.

Ҡариҙел районы иҡтисадын үҫтереүҙең мөһим йүнәлеше булып туризм индустрияһы тора. Быға урындың уникаль тәбиғәт потенциалы булышлыҡ итә. Бында 20-нән ашыу спорт-сәләмәтләндереү йүнәлешендәге төрлө ведомство һәм шәхси туристик базалар урынлашҡан. Уларҙың күптәре йыл әйләнәһенә эшләй.

Бөгөнгә райондың тупланма бюджетына план буйынса 47,6 миллион һум урынына 51 миллион һум аҡса инде. Планды арттырып үтәү район етәкселегенә социаль-иҡтисади бурыстарҙы хәл итеү буйынса юғары йөкләмәләр алырға мөмкинлек бирәсәк.

#урман хужалығы #ауыл хужалығы #туризм

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.