Бөрйән районында республикала беренсе туристар туҡталышы асыла

26 майҙа Бөрйән районында, Оло Көҙән төбәгендә, Башҡортостан Республикаһында беренсе туристар туҡталышын асыу тантанаһы үтәсәк.

«Башинформ» агентлығына БР Йәштәр сәйәсәте, спорт һәм туризм министрлығынан хәбәр итеүҙәренсә, был сараға республика министрлыҡтары һәм ведомстволары етәкселәре, Башҡортостан Республикаһы Хөкүмәте Аппараты, туристик ойошмалар һәм киң мәғлүмәт саралары вәкилдәре, шулай уҡ муниципаль берәмектәр хакимиәте башлыҡтары саҡырылған.

Сараны дауам итеп, ошо уҡ көндө Марат туғайында Ағиҙел йылғаһы буйлап Шүлгән мәмерйәһенә тиклем һалда ағып төшөүгә старт биреләсәк, унда йәштәрҙең туристик төркөмө һәм рәсми делегация ҡатнаша.

Был туристар туҡталышы Башҡортостан Республикаһы Хөкүмәте Премьер-министры Раил Сарбаев ҡушыуы, шулай уҡ Башҡортостан Республикаһы Хөкүмәтенең «2020 йылға тиклем Башҡортостан Республикаһында туризм үҫешенең комплекслы программаһы тураһында», «2008-2011 йылдарҙа Башҡортостан Республикаһының Бөрйән районында туризм индустрияһы үҫеше» республика программаһы тураһында» ҡарарҙарын ғәмәлгә ашырыу сиктәрендә төҙөлгән.

Ойоштороусылар әйтеүенсә, Республика территорияһында конкурент һәләтле туристик тармаҡты формалаштырыу Рәсәй һәм сит ил граждандарының туристик-рекреацион хеҙмәттәргә ихтыяжын ҡәнәғәтләндерергә мөмкинлек бирәсәк, шулай уҡ инвестициялар, эш урындары һәм халыҡ килеме кимәле артыуы, төбәк һәм урындағы бюджеттарҙың килем өлөшө артыуы иҫәбенә Башҡортостан Республикаһының социаль – иҡтисади үҫешенә ҙур өлөш индерәсәк.

Бынан тыш, бөгөнгө көндә Бөрйән районында башҡа төрлө туристик туҡталыштар ҙа төҙөлә, ә Марат туғайында туристик кемпинг төҙөлөшө әүҙем бара.

Үрҙә һаналған сараларҙа теләге булғандарҙың барыһы ла ҡатнаша ала, бының өсөн БР Йәштәр сәйәсәте, спорт һәм туризм министрлығының туризм һәм туристик индустрия бүлегендә алдан теркәлергә кәрәк. Уның адресы: Өфө ҡалаһы, Ленин урамы, 10, 29-сы офис; 251-57-27 телефоны аша ла яҙылырға мөмкин.

Юлға 26 майҙа иртәнге сәғәт 6-нан 7-гә тиклем БР Йәштәр сәйәсәте, спорт һәм туризм министрлығы бинаһы алдынан ҡуҙғалырға (Совет урамы, 18).

#туризм #кемпингтар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.