Раил Сарбаев: Сәсеү майҙандарының яңы структураһы артыҡ игенде кәметәсәк

Эльвира Латипова

Иген баҙарындағы конъюнктураны уңышһыҙ тип атарға мөмкин. Ауыл халҡы бер тонна игендең хаҡын 3,5 мең һум күләмендә көткәйне, ысынында иһә 1900 һум алды. Иген һатыу файҙа килтермәй: баҙар хаҡы үҙҡиммәттән кәмерәк килеп сыҡты. Был хәлдән сығыу юлын ҡайҙан эҙләргә? Кесе йома көндө БР Дәүләт Йыйылышы-Ҡоролтай ултырышында парламентарийҙар был һорауҙы БР Хөкүмәте Премьер-министры Раил Сарбаевҡа йүнәлтте.

— Бөгөн беҙҙең элеваторҙарҙа 650 мең тоннаға яҡын иген бар. Көҙгә тиклем уны һаҡлауҙы республика бюджеты үҙенә ала, — тине Раил Сарбаев. – Ә хаҡтарҙы беҙ көйләй алмайбыҙ.

Шулай ҙа киләсәккә саралар күрелә. Премьер-министр депутаттарға тотош алғанда сәсеү майҙандары структураһын үҙгәртеү хаҡында бәйән итте: «иген» майҙандары кәметелә, ә башҡа иген культуралары сәсеүлектәре киңәйтелә.

— Быйыл ҡарабойҙай сәсеүлектәре 42 процентҡа арттырыла. Шулай уҡ кукуруз сәсеүлектәрен дә арттырабыҙ, — тине Раил Сарбаев. – Рапс менән әүҙем шөғөлләнә башланыҡ. Тәүге тапҡыр соя сәстек, шул иҫәптән 100 гектар – Мәләүез районында. Шишмә районында ла соя үҫтерергә маташабыҙ. Күберәк тә сәсергә мөмкин булыр ине, ләкин, баҡһаң, сояны табыу бик еңел түгел икән. Ә соя кәрәк. Мәҫәлән, Мәжит Ғафури исемендәге ҡошсолоҡ комплексына киләсәктә аҙыҡ етештереү өсөн 300 мең тонна самаһы соя талап ителәсәк.

Сәсеүлектәр структураһын ҡайтанан ҡарап, беҙ күпмелер кимәлдә артыҡ игенде көйләй алырбыҙ, тип уйлайым, — тип өҫтәне Раил Сарбаев.

#бр хөкүмәте #бр дәүләт йыйылышы #ауыл хужалығы

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.