Умартасылыҡ һәм апитерапия үҙәге француз ҡорамалын индерә

Ғәлиә Нәбиева

Башҡортостан умартасылыҡ һәм апитерапия буйынса ғилми-тикшеренеү үҙәге Франциянан уникаль ҡорамал һатып алды. Уның аналогтары республикала ғына түгел, Рәсәйҙә лә юҡ. Үҙәк етәксеһе Әмир Ишемғолов хәбәр итеүенсә, 2009 йылда башҡорт тоҡомо бал йыйыусы ҡорттарҙың инә ҡортон сығарыуҙың интенсив технологияһын асыҡлау буйынса ғилми тикшеренеүҙәр үткәрелгәйне. Һынауҙарҙа ватанда етештерелгән, шулай уҡ Германия һәм Франциянан әҙерләүсе фирмаларҙың ҡорамалдары ҡулланылғайны. Башҡорт тоҡомо бал ҡорттары менән эшләү өсөн иң һөҙөмтәлеһе һәм ҡулайлыһы итеп француз ҡорамалы табылды.

Апрелдә учреждение яңы техниканы һатып алды. Уны ҡуйғас, үҙәк белгестәре бер миҙгелдә 12 меңдән ашыу тоҡомло инә ҡорт ала аласаҡ. Был элекке йылдарҙағыға ҡарағанда 4 тапҡырға күберәк. Былтыр ике мең генә инә ҡорт алынғайны.

Яңы ҡорамал башҡорт тоҡомо бал ҡорттарын һаҡларға һәм арттырырға ярҙам итәсәк. Беренсе һөҙөмтәне белгестәр быйыл уҡ алырға өмөтләнә. 6 июнгә тиклем 2500 инә ҡорттан торған беренсе партия үҙ умарталарын ҡора башлаясаҡ.

Умартасылар быйыл йәй данлыҡлы башҡорт балын күберәк йыйып алырға планлаштыра. Был уңышлы ҡышлатыуға һәм умартасыларҙың профессиональ күнекмәләренә бәйләнгән.

#бал #умартасылыҡ #ауыл хужалығы #модернизация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.