Өс айҙа республика аграрийҙары 14,7 миллиард һумға продукция етештергән

Ғәлиә Нәбиева

Быйылғы йылдың тәүге кварталында Башҡортостанда етештерелгән ауыл хужалығы продукцияһының күләме 14,7 миллиард һум тәшкил иткән, йәғни уҙған йыл кимәле менән сағыштырғанда ул 102,1 процентҡа тиң.

Башҡортостанстат мәғлүмәте буйынса, бар категориялағы хужалыҡтарҙа һуғымға 85,9 мең тонна мал һәм ҡош-ҡорт үрсетелгән, 419,2 мең тонна һөт, 278,1 миллион дана йомортҡа етештерелгән. Теплица ярҙамында 2,2 мең тонна йәшелсә үҫтерелгән (2009 йылдың 1 кварталына ҡарата 109,6%).

Республиканың 20 муниципаль районының ауыл хужалығы предприятиеларында мал һәм ҡош-ҡорт производствоһы үҫеше күҙәтелгән, 41 муниципаль районда һөт етештереү артҡан, улар өлөшөнә тулайым производство күләменән 41,2% һәм 87% тура килә.

Статистиктар иҫәпләүенсә, һуғымға һимертелгән бер баш һыйыр малының уртаса ауырлығы 327 килограм тәшкил иткән (2009 йылдың ғинуар-мартында – 323 килограмм), сусҡаларҙыҡы – 103 килограмм (102 килограмм).

Һөт етештереүҙә үҫеш күҙәтелгән. Беренсе кварталда бер һыйырҙан уртаса 855 кг һөт һауылған, былтыр ул 803 кг тәшкил иткән. Иң юғары һауымдар Стәрлетамаҡ (1321 килограмм), Өфө (1240), Тәтешле (1223), Ауырғазы (1215), Баҡалы (1202) ауыл хужалығы предприятиеларына тура килә.

Шул уҡ ваҡытта статистиктар мал иҫәбе кәмеүен дә билдәләй. 1 апрелгә ҡарата бар ауыл хужалығы предприятиеларында һыйыр малы 1745,8 мең баш тәшкил иткән (уҙған йылдың ошо уҡ осоро менән сағыштырғанда 0,2 процетҡа кәмерәк).

#ауыл хужалығы #статистика

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.