Шаршамбы, 21 Октябрь 2026

Өфө

+5 °С

Мөһим яңылыҡтар Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт

|Һуңғы яңылыҡтар

Төп бит/Иҡтисад

17:23 (UTC+5), 21 Апрель 2010

Йылға навигацияһы асылды

Юлия Антипина

«Өфө» йылға портында навигация-2010-ды асыу тантанаһы үтте. Сарала БР төҙөлөш, архитектура һәм транспорт министры Рауил Ибәтуллин, «Башҡортостан йылға пароходсылығы» асыҡ акционерҙар йәмғиәте генераль директоры Рауил Нафиҡов, флот ветерандары, атҡаҙанған йылғасылар, йылға училищеһы кадеттары һәм күп һанлы ҡунаҡтар ҡатнашты.

2010 йылғы навигация билдәләнгән ваҡытта асыла. Флот һәм ярҙамсы саралар эшкә тулыһынса әҙер. 2009-2010 йылдарға Башҡортостан йылға пароходсылығы буйынса судноларҙы ремонтлауға сығымдар 50 миллион һумдан ашыу тәшкил итте. Был 70 йылға техникаһы берәмеген ремонтларға мөмкинлек бирҙе.

— 2010 йылғы навигацияла туристик маршруттарҙа һәм ҡала эсендәге бәйләнештә 145 меңдән ашыу пассажир ташырға планлаштырыла. 1 миллион 100 мең тонна төрлө йөктәр ташыу бурысы ҡуйылған. «Өфө» һәм «Бөрө» йылға порттары тарафынан 2 миллион тонна тейәү-бушатыу эштәре башҡарыу планлаштырылған, – тип билдәләне үҙ сығышында «Башҡортостан йылға пароходсылығы» йәмғиәте генераль директоры Рауил Нафиҡов.

Башҡортостан йылға пароходсылығының төрлө класлы үҙйөрөшлө һәм үҙйөрөшлө булмаған флот суднолары паркы, шул иҫәптән пассажир теплоходтары, «йылға-диңгеҙ» класы теплоходтары, йөк һәм ярҙамсы суднолары бар. Урындағы линиялар буйынса һәм Кама, Волга йылғалары буйлап транзит бәйләнештә, төньяҡ-көнбайыш төбәк бассейнында йөктәр ташыла. Ял итеүселәр өсөн Ағиҙел, Кама, Волга йылғалары буйлап Мәскәү, Астрахань, Пермь, Кострома, Ҡазан һәм Рәсәйҙең башҡа мәҙәни үҙәктәренә тиклем круиздар ҡаралған.

Йылға флотына тоғролоҡ һәм профессиональ оҫталыҡ өсөн пароходсылыҡтың бер нисә хеҙмәткәре Рәсәй транспорт министлығының «Һыу һәм ҡоро ер юлдары менән идара итеүҙең 200 йыллығы хөрмәтенә» күкрәккә таға торған билдәләре менән наградланған. Бүләкләнеүселәр араһында судно капитандары һәм механиктары, суднолар ремонтлау-төҙөү заводы оҫталары бар.

1 из 14

#суднолар хәрәкәте #навигация

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.