Башҡортостан һәм Өфө яңылыҡтары
53.77
+1.26
56.36
+1.72
111.63
+2.6
12+ °C
Болотло
Бөтә яңылыҡтар
Иҡтисад
19 Апрель 2010, 15:02

Башҡортостан делегацияһы бөгөн Астанаға юлланды

Бөгөн БР сәнәғәт, инвестиция һәм инновация сәйәсәте министрының беренсе урынбаҫары Роберт Ваһапов етәкселегендә Башҡортостан делегацияһы сауҙа-иҡтисади миссия менән Астанаға (Ҡаҙағстан Республикаһы) юлланды.
БР Сауҙа-сәнәғәт палатаһының матбуғат хеҙмәтенән хәбәр итеүҙәренсә, делегация составына, БР Сәнәғәт министрлығы һәм Сауҙа-сәнәғәт палатаһы белгестәренән тыш, «Гидравлика» Өфө агрегат предприятиеһы” федераль дәүләт унитар предприятиеһы, «Бүребай тау-байыҡтырыу комбинаты», «КүмАПП», «Станкомонтаж», «АФ Банк» һәм «Башҡортостан» күргәҙмә компанияһы» асыҡ акционерҙар йәмғиәттәре, «Йәшәйеш именлеге ғилми-тикшеренеү институты», «Нефтехимэшкәртеү институты» дәүләт унитар предприятиелары вәкилдәре инә.
Делегация төрлө йүнәлештәр, шул иҫәптән нефть-газ тармағы предприятиеларына инжиниринг хеҙмәтләндереүҙәре күрһәтеү һәм ГИС-технологиялар индереү буйынса хеҙмәттәшлек тураһында тәҡдимдәр әҙерләне. Башҡортостандың сәнәғәт предприятиелары вәкилдәре яңы һатыу баҙарҙарына сығырға иҫәп тота.
Ҡаҙағстанда делегация «Oil & Gas Kazakhstan 2010» күргәҙмәһен асыуҙа ҡатнашырға, «Казмунайгаз», «Казбизнесконсалтинг» һәм башҡа предприятиеларға барырға планлаштыра. Шулай уҡ Башҡортостандың инвестицион проекттары менән таныштырыу ҙа әҙерләнгән.
Сәфәр 22 апрелдә тамамланасаҡ.
Автор:Эльвира Латипова
Читайте нас в