Майҙа Өфө районында газосиликат блоктар производствоһы асыласаҡ

Ғәлиә Нәбиева, Эльвира Латыпова

Башҡортостан Президенты Мортаза Рәхимов, БР Хөкүмәте Премьер-министры Раил Сарбаев һәм Рәсәй төбәктәр үҫеше министры Виктор Басаргин Өфө районындағы тимер-бетон изделиелар һәм газосиликат блоктар етештереү комбинатына барҙы.

Әлеге ваҡытта комбинатта икенсе сират – газосиликат блоктар етештереү цехы төҙөлә. Был Башҡортостанда ошондай продукция етештереүсе тәүге сәнәғәт производствоһы буласаҡ. Яңы предприятиеның баҙар перспективалары ярайһы уҡ ҙур. Башҡортостанда – Рәсәйҙең башҡа күп кенә төбәктәрендәге кеүек – аҙ ҡатлы төҙөлөш әүҙем үҫешә. Газосиликат блоктар индивидуаль йорттар өсөн бик яҡшы төҙөлөш материалы булып тора. Был аҙ ҡатлы төҙөлөш буйынса Бөтә Рәсәй кәңәшмәһендә ҡатнашҡан комбинат ҡунаҡтарының иғтибарын йәлеп итте лә инде.

«Главбашстрой» төҙөлөш заказсыһы-компанияның баш инженеры Марат Шәйхетдинов хәбәр итеүенсә, майҙа яңы цех эш башларға тейеш. Хәҙер ҡорамалдарҙы монтажлау бара – уның етештереү ҡеүәте йылына 230 мең кубометр продукция тәшкил итәсәк.

Ә комбинаттың беренсе сираты 2008 йылда сафҡа индерелгәйне. Был йылына 200 мең кубометр ҡеүәт менән тимер-бетон изделиелар етештереү цехы. Бында 30 кеше эшләй. Икенсе сират сафҡа индерелгәс, эш урындары һаны 200-гә тиклем артасаҡ.

Комбинаттағы бөтә ҡорамалдар – сит илдеке: Германия, Бельгия, Даниянан.

Бөтә инвестициялар күләме 2,5 миллиард һум тәшкил итте.

Ҡунаҡтар тимер-бетон плиталар һәм блоктар етештереү процесы менән танышты, төҙөлөп ятҡан цехты ҡараны. Төбәктәр үҫеше министрлығы башлығы әҙер продукция хаҡы һәм сеймал менән ҡыҙыҡһынды. Әйтергә кәрәк, был беҙҙең тимер-бетон изделиеларыбыҙҙың мөһим өҫтөнлөгө. Урындағы сеймал файҙаланыла. Тимәк, үҙҡиммәт тә күп конкуренттарҙыҡынан кәмерәк килеп сыға. Башҡортостан продукцияһы, хатта алып барыу хаҡы менән бергә, Мәскәүҙекенән арзаныраҡҡа төшә. Шуға күрә заказдарҙың өҙлөкһөҙ килеүе ғәжәп түгел.

Виктор Басаргин, Башҡортостанда аҙ ҡатлы төҙөлөш өлкәһендә тулы производство сылбыры булдырылған: сеймалды республикала табалар, ошонда уҡ унан бөтә кәрәкле материалдар әҙерләйҙәр һәм сифатлы торлаҡ төҙөйҙәр, тип билдәләне. Һәм быға «Үҙ йортом» республика программаһы булышлыҡ итә.

#төҙөлөш

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.