71.06
+0.09
82.62
-0.07
85.01
-0.81
1+ °C
Облачно
Бөтә яңылыҡтар
Иҡтисад
31 Март 2010, 16:45

Ҡыҫҡа ваҡытлы кредиттар инвестицион проекттарҙы тотҡарлай

Республиканың ҡайһы бер предприятиеларында инвестицион проекттарҙың тотҡарланыуын белгестәр уларҙың ҡыҫҡа ваҡытҡа иҫәпләнгән кредиттар иҫәбенә финансланыуы менән аңлата.
— Кредиттар баланста ҡыҫҡа ваҡытлы, тип билдәләнгән, ләкин улар аҡса әйләнешен тулыландырыу өсөн түгел, ә инвестицияларҙы финанслау өсөн алынған, — тип аңлата механизмды БР Милли банкы рәйесе Рөстәм Мәрҙәнов. – Йәғни формаль рәүештә кредит ҡыҫҡа ваҡытҡа иҫәпләнгән, ләкин был кредит менән алмаштырылған үҙҙәренең средстволары инвестицион проектты финанслауға йүнәлтелгән. Шулай итеп, отчет буйынса (ҡағыҙҙа) предприятие проектты үҙ аҡсаһына финанслай, ә ысынында – ҡыҫҡа ваҡытлы кредит иҫәбенә.
Финанс көрсөгө арҡаһында банктар кредитлау шарттарын ҡәтғиләштерҙе, ә “инвестицион” ҡыҫҡа ваҡытлы кредит алған предприятиелар быға әҙер булмай сыҡты. Уның һөҙөмтәһендә бер нисә предприятиеларҙа инвестпроекттар туҡтатылды.
Автор:Эльвира Латипова