Башҡортостан һәм Өфө яңылыҡтары
78.29
-0.21
89.84
-0.3
68.81
-1.32
13+ °C
Болотло
Бөтә яңылыҡтар
Иҡтисад
31 Март 2010, 16:42

Мәләүез һөт-консерва комбинаты «Һөт уңышы-2010» конкурсы Гран-прийын яуланы

Мәскәүҙә «Һөт индустрияһы-2010» VIII Халыҡ-ара форумы үтте. Башҡортостандан абруйлы тармаҡ форумында дүрт предприятие: «Мәләүез һөт-консерва комбинаты», «Аллат» ябыҡ акционерҙар йәмғиәттәре, «Бәләбәй һөт комбинаты» асыҡ акционерҙар йәмғиәте, «Мәсәғүт һөт-консерва комбинаты» яуаплылығы сикләнгән йәмғиәте ҡатнашты.
Республика предприятиелары продукцияһы тағы бер тапҡыр үҙенең юғары сифатын иҫбатланы.
БР Ауыл хужалығы министрлығы матбуғат хеҙмәтенән хәбәр итеүҙәренсә, «Һөт уңышы – 2010» дегустация конкурсы Гран-прийына «Мәләүез һөт-консерва комбинаты» ябыҡ акционерҙар йәмғиәтенең ҡоро һөт өҫтө лайыҡ булды. «Ҡорот» милли продукты алтын миҙал менән билдәләнде.
"Бәләбәй һөт комбинаты" асыҡ акционерҙар йәмғиәте «Мәрмәр Бәләбәй сыры 45%» өсөн көмөш миҙал алды. Ә Мәсәғүт һөт-консерва комбинаты бер юлы өс алтын миҙал алыуға өлгәште — ҡоро һөт, «Крәҫтиән» майы, «Адыгей» сыры өсөн.
Автор:Ғәлиә Нәбиева
Читайте нас: