ӨДАТУ милли тикшеренеү университеты исеменә дәғүә итә

Эльмира Сабирова

Өфө дәүләт авиация техник университеты милли тикшеренеү университеты исеменә икенсе конкурста ҡатнаша.

«Башинформ» агентлығында үткән матбуғат конференцияһында БР мәғариф министры Зиннәт Аллаяровтың хәбәр итеүенсә, Өфө дәүләт авиация техник университеты производствоға яңы заманса технологиялар иҫәптәрен әҙерләү һәм индереү, шулай уҡ был инновацияларҙы индереү һәм уңышлы ҡулланыуға һәләтле кадрҙар әҙерләү буйынса яңы программаһы менән таныштырған.

— Еңеүгә ӨДАТУ-ның бар мөмкинлектәре ла бар, — тип иҫәпләй Зиннәт Абдулла улы. —2006 йылда был юғары уҡыу йорто федераль инновациялар программаһы конкурсында бер тапҡыр еңеп сыҡҡайны инде. Ул ваҡытта проектты ғәмәлгә ашырыуға улар 600 миллион һум алды.

Был конкурсҡа килгәндә иһә, министр әйтеүенсә, ул бик абруйлы.

— «Милли тикшеренеү университеты» статусын алған юғары уҡыу йорто үҫеш программаһын ғәмәлгә ашырыуға федераль бюджеттан 1,8 миллиард һумға тиклем аҡса ала, — тип асыҡлыҡ индерҙе Зиннәт Аллаяров.

Хупланған заявкаларҙы РФ Мәғариф һәм фән министры Андрей Фурсенко етәкселегендәге конкурс комиссияһы ҡараясаҡ. Йәшерен тауыш биреү юлы менән комиссия еңеүсе уҡыу йорттары төркөмөн билдәләйәсәк, улар артабан Милли тикшеренеү университеты категорияһын биреүгә РФ Хөкүмәтенә тәҡдим ителәсәк.

Милли тикшеренеү университеты статусы юғары уҡыу йортона 10 йылға бирелә. Әгәр уның үҫеш программаһын ғәмәлгә ашырыу нәтижәһеҙ тип табылһа, университет был исемдән мәхрүм ителәсәк.

Иҫегеҙгә төшөрәбеҙ, 2009 йылда үткән беренсе конкурс йомғаҡтары буйынса РФ Хөкүмәте ҡарары менән бындай категория 14 юғары уҡыу йортона бирелгән.

1 из 4

#мәғариф

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.