Өфөнөң авария-ҡотҡарыу отряды ташҡынға әҙерләнә

Өфөнөң бар хеҙмәттәре лә яҙғы ташҡынға әүҙем әҙерләнә. Әле һаман яуыуҙан туҡтамаған ҡар ҡала биләмәһен һыу баҫыу хәүефен арттыра. Һәр ваҡыттағыса Затон, Шакша, Нижегородка биҫтәләренә, 8 Март ҡасабаһы, Дудкино, Козорез ауылдарына һәм ҡала яны урман хужалыҡтарына айырым иғтибар бүлергә кәрәк. Бынан тыш, Ағиҙел, Ҡариҙел, Дим йылғаларына сүп-сар һәм һәр төрлө хәүефле матдәләр эләгеү ҡурҡынысы янаған сәнәғәт предприятиелары территорияһында экологик таҙартыу үткәреү талап ителә.

Өфөнөң граждандарҙы һаҡлау идаралығынан хәбәр итеүҙәренсә, авария-ҡотҡарыу отряды ғәҙәттән тыш хәл тыуған осраҡта етеҙ хәрәкәт итеү өсөн даими әҙерлектә тора. Тейешле техника, һыуҙа йөҙөүҙә ҡулланылыусы махсус саралар, энергия менән тәьмин итеүсе резерв сығанаҡтар етәрлек күләмдә. Ташҡында ҡотҡарыу эштәрен үткәргән осраҡта 200 формированиенан торған һәм составында дүрт меңдән ашыу кеше иҫәпләнгән территориаль звенонан өҫтәмә көстәр һәм средстволар йәлеп ителәсәк. Шулай уҡ һыу баҫасаҡ райондарға тейешле күләмдә аҙыҡ-түлек алып барыу планлаштырыла.

Эвакуацияланған халыҡты ваҡытлыса урынлаштырыу өсөн Өфөнөң ғәҙәттән тыш хәлдәр һәм янғын хәүефһеҙлеген тәьмин итеү комиссиялары менән мәҙәниәт йорттарында, уҡыу йорттарының дөйөм ятаҡтарында һәм ҡала предприятиеларында 5500 кешегә иҫәпләнгән 57 урынлаштырыу урынын әҙерләү ҡаралған.

1 из 2

#ташҡын

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.