Башҡортостан һәм Татарстан эшлекле даирәләре вәкилдәренең бизнес-осрашыуы

Эльвира Латипова

Бөгөн Өфөлә, БР Сәнәғәт һәм тышҡы иҡтисади бәйләнештәр министрлығында, Башҡортостан һәм Татарстан эшлекле даирәләре вәкилдәренең бизнес-осрашыуы үтә. Татарстан делегацияһын ТР сәнәғәт һәм сауҙа министры Рауил Зарипов етәкләй. Башҡортостан яғы делегацияһы етәксеһе – БР Хөкүмәте Премьер-министры урынбаҫары, сәнәғәт һәм тышҡы иҡтисади бәйләнештәр министры Юрий Пустовгаров.

— 2002 йылда беҙ килешеүгә ҡул ҡуйҙыҡ, хәҙер беҙҙең бурыс – уны реаль проекттар һәм контракттар менән тулыландырыу, — тине Рауил Зарипов. – Делегация составында –Татарстандың химия, нефтехимия, нефть табыу, машиналар эшләү, мәғлүмәт технологиялары, энергия һаҡлау һәм башҡа предприятиеларының 20-нән ашыу етәксеһе.

— Хәҙерге ваҡытта беҙ 2010-2012 йылдарға саралар планы төҙөйбөҙ, проект әҙер ҙә инде, – тине Юрий Пустовгаров. – Күренеүенсә, беҙҙең бер-береһенә ҡамасауламаған һәм киҫешмәгән үҙ-ара мәнфәғәттәребеҙ байтаҡ.

Перспективалы йүнәлештәрҙең береһе машиналар эшләүҙе үҫтереү менән бәйләнгән. Татарстанда Италияның «Фиат» концерны еңел автомобилдәрен етештереү юлға һалынасаҡ. Проектҡа Башҡортостан да ҡушыла ала. Беҙҙең республикала ҡеүәтле машиналар эшләү кластеры булдырылған, ул кооперацияға әҙер һәм Саллы автомобиль етештереүселәрен комплектлау материалдары менән тәьмин итә ала.

Ике республиканың да нефть өлкәһендә уртаҡ мәсьәләләре күп. Татарстанда нефть табыу күләме юғарыраҡ, уның ҡарауы, Башҡортостанда нефть эшкәртеү алғараҡ киткән. Тупланған тәжрибә ике яҡты ла ҡыҙыҡһындыра.

— 50-нән ашыу предприятие Башҡортостан менән хеҙмәттәшлек итергә әҙерлеген белдерҙе, — тине Рауил Зарипов. – Был үҙ тауарҙарын сығарыу ғына түгел, һатып алырға ла, бергәләп эшләргә лә әҙерлек.

Бизнес-осрашыуҙа, Башҡортостан менән Татарстан араһында хеҙмәттәшлекте үҫтереү өсөн даими эшләүсе төркөм ойошторорға, тигән тәҡдим яңғыраны.

Ике төбәктең эшлекле даирәләре вәкилдәренең киләһе осрашыуы Татарстанда үтәсәк.

1 из 2

#тышҡы бәйләнештәр #сәфәрҙәр #эшҡыуарлыҡ

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.