Башҡортостан һәм Өфө яңылыҡтары
89.82
+0.12
99.72
+0.52
71.06
-1.63
10+ °C
Болотло
Баш
Рус
Eng
Бөтә яңылыҡтар
Иҡтисад
2 Март 2010, 11:59
Үзбәкстан делегацияһы Башҡортостандың аграр тәжрибәһе менән ҡыҙыҡһына
Үзбәкстан делегацияһы Башҡортостанға агросәнәғәт өлкәһендәге тәжрибәне өйрәнеү өсөн килде. БР Ауыл хужалығы министрлығында ҡунаҡтар ауыл хужалығы министрының беренсе урынбаҫары Николай Коваленко һәм БР Һөтсөлөк союзы етәкселеге менән осрашты.
Үзбәкстан вәкилдәре Башҡортостанда үҫемлекселекте үҫтереү, шул иҫәптән ауыл хужалығы культураларын теплицала үҫтереү технологиялары, шулай уҡ республиканың малсылыҡтағы һәм ауыл хужалығы сеймалын эшкәртеүҙәге тәжрибәһе менән ҡыҙыҡһыныуҙары хаҡында хәбәр итте.
Николай Коваленко төбәктең агросәнәғәт комплексы, уның бурыстары һәм перспективалары хаҡында һөйләне. БР Ауыл хужалығы министрлығы матбуғат хеҙмәтенән хәбәр итеүҙәренсә, ҡунаҡтарҙы технологиялар һәм заманса ауыл хужалығы ҡорамалдары ла ҡыҙыҡһындырҙы. Шулай уҡ малсылыҡ предприятиеларын һәм фермер хужалыҡтарын ойоштороу тәжрибәһе лә уларҙың иғтибарын йәлеп итте.
Башҡортостанға делегация составында Үзбәкстан Республикаһының Кунград районы хакимиәт башлығы Оралбай Нурымбәтов, Кегейли районы хакимиәт башлығы Полат Иматов, Кунград районының ветеринария хеҙмәте етәксеһе Копефхан Птегенов һәм «Кегейли боян» предприятиеһы етәксеһе Эльбрус Ауезов килде.
Бөгөн иртәнсәк делегация Шишмә районына юлланды.
Сәфәр 3 мартта тамамланасаҡ.
Автор:
Эльвира Латипова
Теги:
сәфәрҙәр
тышҡы бәйләнештәр
ауыл хужалығы
Читайте нас: