90.99
0
Башҡортостан һәм Өфө яңылыҡтары
98.78
0
84.01
+0.05
16+ °C
Болотло
Бөтә яңылыҡтар
Иҡтисад
19 Февраль 2010, 09:32
Раил Сарбаев Мәскәүҙә Инфокоммуникацион технологиялар технопаркы менән таныштырҙы
Мәскәүҙәє РФ элемтәє һәм киң коммуникациялар министры Игорь Щеголев етәкселегендә юғары технологиялар өлкәһендә технопарктар булдырыу, уларҙың эш итеүе һәм үҫеше буйынса эшмәкәрлекте көйләүсе ведомство-ара комиссия ултырышы үтте. БР Хөкүмәте Премьер-министры Раил Сарбаев унда Башҡортостан Хөкүмәте башланғысында ойошторолоусы технопарктарҙың береһе менән таныштырҙы.
- Әле сәнәғәт предприятиелары тарафынан файҙаланылған мәғлүмәт һәм элемтә системаларының төп өлөшө сит илдәрҙә етештерелгән, - тип хәл итәһе мәсьәләне билдәләне Раил Сарбаев. - Был уларҙы файҙаланыуҙа ҙур сығымдарға килтерә, бындай стратегик өлкәлә ситтән килтерелгән технологияларға бәйлелек Рәсәй Федерацияһының иҡтисади именлегенә ҙур хәүеф тыуҙырыуы хаҡында әйтеп тораһы ла түгел.
Өфө дәүләт авиация техник университеты базаһында ойошторолоусы профилле технопаркты мәғлүмәт коммуникациялары селтәрендә, авиайыһан навигацияһында, энергияны һаҡлаусы технологияларҙа, технологик тәғәйенләнештәге мәғлүмәт-үлсәү комплекстарында, нанопроизводстволарҙа, медицинала ҡулланыла торған юғары технологиялы продукция сығарыуға йүнәлтеү күҙаллана.
Республика 750 миллион һум аҡса һаласаҡ (бөтәһе 2 миллиард һум инвестиция кәрәк) проектты тормошҡа ашырыу кәмендә 5 мең эш урыны, шул иҫәптән юғары уҡыу йорттарын тамамлаусылар өсөн 1500 эш урыны булдырыу мөмкинлеген бирәсәк. Милектең бәләкәй формаларына ҡараған инновацион предприятиелар төҙөү өсөн дә шарттар булдырыласаҡ. Улар технопарктың резиденттары була ала.
- Ғәмәлдәге юғары технологиялы ғилми эшләнмәләр һәм етештереү базаһы проектты ҡыҫҡа ваҡытта түбән сығымдар менән тормошҡа ашырырға мөмкинлек бирә, - тине Раил Сарбаев технопарктың өҫтөнлөктәрен билдәләп.
Ул, Башҡортостанда инновацион эшмәкәрлекте үҫтереүгә, инновацион инфраструктура субъекттарын булдырыуға, уларҙы үҫтереүгәє һәм финанс яғынан дәртләндереүгә хеҙмәт итеүсе киң закондар базаһы булдырылды һәм эш итә, тип билдәләне.
Әле республикала алты технопарк һәм бер технологияларҙы трансферлау үҙәге теркәлгән һәм эшләп килә. Ултырышта ҡатнашыусыларға тәҡдим ителгән технопарктан тыш, Өфө дәүләт авиация техник университеты базаһында “Башҡортостан” технопаркы һәм Өфө моторҙар эшләү берекмәһе базаһында “Авиация технологиялары технопаркы” коммерцияға ҡарамаған ғилми-етештереү партнерлығы яҡын арала эшкә ҡушыласаҡ.
Читайте нас:
Электрон почта
Адресы
450077, Уфа, Кирова, 45
Реклама хеҙмәте
(347) 250-11-11
Редакция
(347) 250-07-28
Ҡабул итеү бүлмәһе
(347) 250-05-07
Хеҙмәттәшлек
(347) 250-06-14
Кадрҙар бүлеге
© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.
Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.
18+ запрещено для детей.
При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».