Четверг, 30 Апреля 2026

Уфа

+7 °С

Главное Иҡтисад Йәмғиәт Мәҙәниәт Барыһы ла Еңеү өсөн Сәйәсәт Спорт Хәл-ваҡиғалар

|Последние новости

Төп бит/Иҡтисад

07:54 (UTC+5), 13 Февраля 2010

«Благовар-агро-инвест» тоҡомсолоҡ предприятиеһы статусын алырға ниәтләй

Эльвира Латипова

«Благовар-агро-инвест» яуаплылығы сикләнгән йәмғиәтенең һөт-тауар фермаһында бөгөн Башҡортостан Республикаһы Президенты Мортаза Рәхимов булды. Республика башлығы был предприятиела быҙауҙарҙы һалҡында тотоу алым менән танышты. Был алым үҙен тулыһынса аҡлаған һәм, мал ҡырылыуының юҡҡа сығыуы арҡаһында, ит етештереүгә сығымдарҙы кәметергә мөмкинлек биргән.

Йәш мал тотолған аҙбарҙа — 114 быҙау һөтлө Ҡара-ала тоҡомонан. Бындай тоҡомло һыйырҙар әлеге ваҡытта тәүлегенә һигеҙешәр литр һөт бирә, ә йылына бер һыйырҙан һауылған һөт 2900 килограмға етә.

Президент быҙауҙарҙы нисек ашатыуҙары менән ҡыҙыҡһынды. Ҡатнаш аҙыҡ гранулалары һәм кукуруз индерелгән аҙыҡ менән – булды яуап.

Ҡасандыр әлеге быҙау аҙбары ташландыҡ бина булған. Түбәһен ремонтлағандан һуң артабан үҙ көстәре менән быҙауҙарға ситлектәр иретеп йәбештерелгән, әйтергә кәрәк, уларҙың үҙҡиммәте 300-400 һумдан үтмәй.

«Благовар-агро-инвест» предприятиеһы һөт производствоһында ғына туҡталып ҡалырға йыйынмай, иғтибарҙы ит етештереүгә йүнәлтә. Республика Президенты танышҡан был предприятиеның икенсе майҙанына 3 февралдә Ростов өлкәһенән Ҡалмыҡ тоҡомло һыйыр малы килтерелгән. Был төрлө шарттарға еңел ҡулайлашыусы ит тоҡомоноң уртаса тәүлек артымы 600-700 грамм тәшкил итә. Фермала был тоҡомдағы 305 баш мал иҫәпләнә.

Яҙғыһын быҙаулауҙары көтөлә, тимәк, мал иҫәбе лә артасаҡ. Президентҡа һөйләүҙәренсә, киләһе йылда предприятие тоҡомсолоҡ статусын алырға ниәтләй. Бында ла һалҡында тотоу алымы ҡулланыласаҡ. Ит-һөт фермаһы продукцияһын башлыса Орск ит комбинаты һатып ала.

1 из 12

#президент маршруттары

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.