Тимер юлда контейнерҙарҙа йөк ташыу күләменең артыуы күҙәтелгән

Любовь Колоколова

Контейнерҙарҙа йөк ташыу тимер юлдың йөк ташыу структураһының һаман да ҙур өлөшөн алып тора. Әгәр уҙған йылда ташылған йөк күләме кәмеүе күҙәтелһә, ғинуарҙа ыңғай яҡҡа үҙгәрештәр булыуы хаҡында әйттеләр.

"Башинформ" агентлығына Куйбышев тимер юлының Башҡортостан бүлегенән хәбәр итеүҙәренсә, 2008 йыл менән сағыштырғанда, 2009 йылда контейнерҙарға тейәлгән йөк күләме 8,7 процентҡа кәмегән, быны бөтә донъя иҡтисади көрсөгө менән аңлаталар.

Шул уҡ мәлдә урта тоннажлы контейнерҙарға йөк тейәү 100,6 процентҡа үтәлгән – барыһы 11511 контейнер эшкә ҡушылған. Эре тоннажлы контейнерҙарға йөк тейәү планға ҡарата 98,9 процент тәшкил иткән, бында 16079 контейнер ҡулланылған. «Трансконтейнер» асыҡ акционерҙар йәмғиәте филиалының йөк станцияһында тәүлегенә уртаса 76 контейнерға йөк тейәлгән.

Күпселек осраҡта, контейнерҙарҙа сәнәғәт продукцияһын ташыйҙар. Башҡортостан бүлеге Куйбышев тимер юлының иң эре йөк ташыусыһы иҫәпләнә һәм контейнерҙарҙа йөк ташыуҙың өстән бер өлөшөн башҡара.

Ғинуарҙа Куйбышев магистраленең Башҡортостан бүлеге менән йөк ташыуға 1964 контейнер ҡулланылған, шуның 1490 — эре тоннажлы. Уҙған йылдың ғинуар айы менән сағыштырғанда, был күрһәткес 11,27 процентҡа артығыраҡ.

#транспорт #йөк ташыу #тимер юл

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.