Илеш районы халҡынан 304 тонна һөт йыйып алынған

Республиканың Илеш районында халыҡтан һөт һатып алыу ойошторолған. БР Ауыл хужалығы министрлығы мәғлүмәте буйынса, йыл башынан алып 304 тонна һөт һатып алынған, был уҙған йыл кимәленән 82 тоннаға күберәк. Баймаҡ һәм Учалы райондарында йыл башынан алып халыҡтан 192 тонна һөт йыйып алынған, был да уҙған йыл күрһәткестәренән күпкә артығыраҡ. Салауат, Йәрмәкәй, Әбйәлил, Ҡырмыҫҡалы, Дүртөйлө һәм тағы ла бер нисә райондың һөт йыйыусылары күрһәткестәре лә ҡыуандыра.