«Иммунопрепарат»та продукция сығарыу 350 процент тәшкил итте

Ғәлиә Нәбиева

Өфөнөң “Иммунопрепарат” предприятиеһы (РФ Һаулыҡ һаҡлау министрлығының “Микроген” медицина иммунобиология препараттары буйынса ғилми-етештереү берекмәһе” федераль дәүләт унитар предприятиеһы филиалы) коллективы ғинуар айын бик яҡшы етештереү күрһәткестәре менән тамамланы.

Предприятиеның матбуғат секретары Гүзәл Йосопова хәбәр итеүенсә, 147 миллион 629 мең һумлыҡ иммунобиологик һәм фармацевтик дарыуҙар сығарылған. Етештереү планы 116,5 процентҡа үтәлгән. Продукция сығарыу күләмен арттырыу 350,2 процент тәшкил иткән. Физик күләм индексы (2009 йылдың сағыштырмаса хаҡтарында) – 362,2 процент.

«Иммунопрепарат» киҙеүгә ҡаршы вакциналарҙың эске баҙарында алда бара. Предприятие йыл һайын РФ Һаулыҡ һаҡлау һәм социаль үҫеш министрлығының билдәле «Гриппол» ватан вакцинаһын сығарыу буйынса дәүләт заказын уңышлы үтәй. Мәҫәлән, былтыр ғына Башҡортостан белгестәре 21 миллионға яҡын доза етештерҙе. Иммунобиологик препарат «Һаулыҡ» федераль маҡсатлы программаһы сиктәрендә өлкәндәргә һәм балаларға бушлай вакцинация яһау өсөн илебеҙ төбәктәренә ебәрелде. Филиалдың ғилми консультанты Михаил Пушкарев хәбәр итеүенсә, Өфө «Гриппол»ын сығара башлағандан алып 13 йыл эсендә уның менән Рәсәйҙә һәм БДБ илдәрендә йәшәүсе 135 миллион кеше иммунизацияланды.

Быйыл май айында РФ Һаулыҡ һаҡлау министрлығының “Микроген” медицина иммунобиология препараттары буйынса ғилми-етештереү берекмәһе” федераль дәүләт унитар предприятиеһы филиалы – “Иммунопрепарат”та киҙеүгә ҡаршы вакциялар сығарыу буйынса донъя стандарттарына ярашлы яңы производство цехы төҙөй башларға планлаштырыла. Филиал директоры профессор Мәхәмәт Алсынбаев фекеренсә, Башҡортостан баш ҡалаһында ватан һаулыҡ һаҡлау ихтыяждары өсөн йыл һайын 50 миллионға тиклем доза күләмендә киҙеүгә ҡаршы вакцина етештереү буйынса заманса автономиялы мини-завод барлыҡҡа киләсәк. Перспективалы фармпроект юғары социаль һәм иҡтисади әһәмиәткә эйә, сығымдар тиҙ арала ҡапланасаҡ, тип күҙаллана. Проект Чехия белгестәре менән берлектә төҙөләсәк.

1 из 4

#иммунопрепарат #вакциналар

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адресы

450077, Өфө, Киров урамы, 45 (347) 250-05-07

Реклама хеҙмәте

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.