2009 йылда тоҡомсолоҡ эшенә 351,5 миллион һум аҡса бүленде
Былтыр Башҡортостанда лизинг буйынса 248,6 миллион һумға, шул иҫәптән республика иҫәбенән 92,4 миллион һумға, 2,9 мең баш тоҡомло мал һатып алынды. Дөйөм алғанда, тоҡомло малсылыҡҡа ярҙамға ике кимәлдәге бюджеттарҙан 351,5 миллион һум аҡса йүнәлтелде.
БР Ауыл хужалығы министрлығы мәғлүмәттәренә ҡарағанда, 2009 йылда ауыл хужалығы предприятиелары 10 мең баштан ашыу тоҡомло һыйыр малы һатып алды. 2055 баш ит һәм һөт йүнәлешендәге һыйыр малы Австралиянан, Венгриянан, Финляндиянан һәм Словакиянан килтерелде.