Өфөлә Свердлов баҙары асылды

Бөгөн Өфөлә Свердлов баҙарын асыу тантанаһы үтте. Баҙарҙың идара итеү компанияһы коммерция директоры Олег Хабаров һөйләүенсә, республика ауыл хужалығы тауарҙары етештереүселәре өсөн бында түбән ҡуртым ставкалары билдәләнде. Шуға ла Нефтекаманың «Хлебосольный» икмәк комбинаты, Мәләүез ит комбинаты, «Рощинский» совхозы, «Ҡарламан шәкәре», Дүртөйлө ит комбинаты, «Аллат» ябыҡ акционерҙар йәмғиәте баҙарға үҙ продукцияларын килтерҙе лә инде. Баҙарҙың ике ҡатында ла йәшелсә һәм емештәр, ит, һөт продукттары, шулай уҡ байрам алды көндәрендә айырыуса популяр булған төрлө кондитер изделиелары һатып алырға мөмкин.