Раил Сарбаев кәңәшмә үткәрҙе

Эльвира Латипова

Салауат ҡалаһында БР Хөкүмәте Премьер-министры Раил Сарбаев рәйеслегендә үткән кәңәшмәлә Башҡортостандың Үҙәк һәм Көньяҡ иҡтисади зоналарының социаль-иҡтисади үҫеше тикшерелде.

Был ике иҡтисади зона республика биләмәһенең сирек өлөшөн тиерлек тәшкил итә, уға 14 муниципаль район һәм 3 ҡала округы инә. Бында «Салауатнефтеоргсинтез», «Сода», «Синтез-Каучук», «Каустик», «Күмертау авиация производство предприятиеһы» кеүек төбәктең ҙур сәнәғәт предприятиелары эшләй.

Премьер әйтеүенсә, Үҙәк һәм Көньяҡ иҡтисади зоналарҙағы бөтә сәнәғәт предприятиелары бөгөн эшен туҡтатманы.

— Был муниципаль райондарҙың һәм ҡала округтарының предприятиелары һәм ойошмалары республикала етештерелгән продукция күләменең 20 процентын тәьмин итте, — тине БР иҡтисади үҫеш министрының беренсе урынбаҫары Марат Минасов. – Тапшырылған торлаҡ күләмендә уларҙың өлөшө 32 процент тәшкил итте.

БР Иҡтисади үҫеш министрлығы мәғлүмәттәренә ҡарағанда, ғинуар-сентябрь йомғаҡтары буйынса Стәрлетамаҡ ҡалаһы, Ауырғазы, Ғафури, Дәүләкән, Иглин, Ишембай, Көйөргәҙе, Миәкә, Стәрлебаш, Стәрлетамаҡ һәм Федоровка райондарының хужалыҡ итеүсе субъекттары ыңғай финанс һөҙөмтәһе алыуға өлгәште.

Салауат һәм Стәрлетамаҡ ҡалаларында, Архангел, Ғафури, Стәрлетамаҡ, Көйөргәҙе һәм Өфө райондарында күрһәткестәр тотороҡло. Тик был «тотороҡлолоҡ» — шартлы төшөнсә. Мәҫәлән, шул уҡ Стәрлетамаҡ районы тотороҡло рәүештә беренсе-икенсе урындарҙы биләй, ә Архангел районы шулай уҡ тотороҡло рәүештә “ҡойроҡта” һөйрәлә.

Кәңәшмәлә төрлө иҡтисади, социаль һәм хоҡуҡ мәсьәләләре ҡаралды. Иҡтисади үҫеш министрлығы мәғлүмәттәре буйынса фекер йөрөткәндә, иҡтисадтағы хәл айҙан-айға тотороҡлана бара. Мәҫәлән, октябрҙә тулайым төбәк продукты күләме индексы 97,5 процент тәшкил итте. Был быйылғы йылда иң юғары күрһәткес. Туғыҙ айҙа тулайым төбәк продукты индексы 94 процент кимәленә сыҡты. Сәнәғәт производствоһы индексы ла үҫте – октябрь йомғаҡтары буйынса 98,8 процент. Ун айлыҡ күрһәткес – 94,1 процент.

1 из 8

#кәңәшмәләр #бр хөкүмәте #финанс көрсөгө

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.