70.86
-0.13
82.5
-0.14
85.66
+1.05
10+ °C
Облачно
Бөтә яңылыҡтар
Иҡтисад
14 Октябрь 2009, 12:54

Өфөлә энергетика күргәҙмәләре үтәсәк

Өфөлә 20-23 октябрь көндәре XV “Урал - 2009 энергетикаһы” халыҡ-ара махсуслаштырылған, VII “Энергияны һаҡлау” махсуслаштырылған , IV “Кабель. Сымдар. Арматура”, I ”Электр һәм яҡтылыҡ техникаһы “махсуслаштырылған күргәҙмәләре үтәсәк. Экспозициялар “Аҡбуҙат” ипподромы манежы бинаһында урынлаштырыласаҡ.
Күргәҙмәләрҙең ойоштороусылары: РФ-ның Энергетика министрлығы һәм БР-ҙың Сәнәғәт һәм тышҡы иҡтисади бәйләнештәр министрлыҡтары булышлығында Башҡорт күргәҙмәләр компанияһы, “Башҡортостан” күргәҙмәләр комплексы, БР-ҙың Сауҙа-сәнәғәт палатаһы, “Башкирэнерго” асыҡ акционерҙар йәмғиәте.
“Урал -2009 энергетикаһы” – Башҡортостан Республикаһында төп энергетик бизнес - форумға әүерелгән иң ҙур күргәҙмәләрҙең береһе. Уның сиктәрендә сәнәғәттең бөтә тармаҡтарына тәғәйенләнгән энергетика комплексы номенклатураһының киң спектры күрһәтеләсәк. “Яҡтылыҡ техникаһы Сауҙа Ассоциацияһы” булышлығында беренсе тапҡыр ”Электр һәм яҡтылыҡ техникаһы “ күргәҙмәһе үтәсәк. Бынан тыш экспоненттарҙың төп өлөшөн Рәсәйҙең 23 төбәгенән – Мәскәү, Ленинград, Кабардин-Балкар, Иваново,Курск, Пенза,Свердловск, Смоленск, Тула, Силәбе өлкәләре, Пермь крайы, Татарстан Республикаһынан – йыйыласаҡ ҡунаҡтар тәшкил итәсәк һәм ошо күргәҙмәләрҙең үҙенсәлеге булып тора ла инде. Быйылғы бизнес-форумда 130-ҙан ашыу предприятие ҡатнашасаҡ, улаҙың күпселеге – етештереүсе фирмалар
Автор:Ольга Горюнова