Башҡортостан элемтә бүлексәләре заман талаптарына ярашлы йыһазландырылған

Бөгөн – Бөтә донъя почта көнө. Ул БМО сиктәрендә үткәрелгән халыҡ-ара байрамдарҙың береһе. 1969 йылдан алып был дата бөтә донъяла билдәләнә.

“Рәсәй почтаһы”ның Башҡортостан филиалы – илебеҙҙә иң эреләрҙең береһе. Федераль почта тарафынан күрһәтелгән барлыҡ хеҙмәттәр күләменең 3 проценты республика почтасылары өлөшөнә тура килә. Федераль почта элемтәһенең Башҡортостан Республикаһы идаралығы директоры Альберт Дүсәлимов әйтеүенсә, бындай хәл республика иҡтисады үҫешенең юғары кимәленә бәйле. Һәм улар республиканың 12 мең кешеһен эш менән тәьмин итеп, ошо иҡтисадтың айырылғыһыҙ өлөшө булып тора. Был республика етәкселегенең уйланылған сәйәсәте һөҙөмтәһендә тормошҡа ашырыла. Филиалдың йылдам үҫеше яңы хеҙмәттәрҙе һәм заманса технологияларҙы ғәмәлгә индереүгә бәйле.

Быйыл пенсия фонды менән берлектә республика территорияһында пенсиялар һәм пособиелар ташыуҙа электрон документтар әйләнеше технологияһы тулыһынса сафҡа индеререлде. Бынан тыш, йыл аҙағына тиклем бүлексәләребеҙҙе махсус почта техникаһы менән йыһазландырыу кимәлен 97 процентҡа еткерергә ниәтләнәбеҙ. –ти Альберт Дүсәлимов. – Илдәге һәр төбәк селтәрҙе йыһазландырыуҙың бындай юғары дәрәжәһенә эйә була алмайҙыр.

Заманса хеҙмәттәр, мәҫәлән, аҡсаны электрон күсереү хеҙмәтен ғәмәлгә индереү мөмкинлеге, бүлексәләребеҙҙең 90 проценттан ашыуының Интернет селтәренә тоташыуына бәйле.

2011 йылда старт аласаҡ “Электрон хөкүмәт” айырым маҡсатлы федераль программаһына ярашлы халыҡҡа иң кәрәкле дәүләт хеҙмәттәрен күрһәтеү буйынса оператор булыу планлаштырылған. Бында документтар әҙерләү, лицензиялар, күсермәләр, белешмәләр биреү инә.

БР Президентының Дәүләт Йыйлышы-Ҡоролтайға булған Мөрәжәғәтнамәһендә “Беҙҙең маҡсат – халыҡтың именлеге, Башҡортостандың үҫеш ҡеүәтен арттырыу” тиелә. Был электрон почта, мәғлүмәттәр ебәреү, интернет бәйләнешенә, күсмә электр элемтәһенә һәм башҡа заманса технологияларға ла ҡағыла. “Рәсәй почтаһы”ның Башҡортостан филиалы миҫалында мәғлүмәт һәм элемтә хеҙмәттәре баҙары дөрөҫ йүнәлештә үҫешә, тиергә була.

#президент мөрәжәғәтнамәһе

Яңылыҡтарҙы тиҙерәк уҡыу өсөн социаль селтәрҙәргә ҡушылығыҙ:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.