Хеҙмәтенә күрә хөрмәте

Өфөнөң "Электроаппарат" заводы асыҡ акционерҙар йәмғиәтенең генераль директоры Валерий Трофимовҡа "Башҡортостан Республикаһының атҡаҙанған машиналар эшләүсеһе" тигән Почетлы исем бирелде.

Был награда - Башҡортостандың һәм тотош илдең сәнәғәт ҡеүәтен үҫтереүҙә Валерий Трофимовтың ҡаҙаныштарын таныу ул. Туғыҙ йыл буйына Валерий Николаевич предприятиеға уңышлы етәкселек итә, ул 2004 йылдан "Электрозавод" Холдинг компанияһы структураһына инә. Бөтә производствоны модернизациялау туранан-тура уның етәкселегендә башланды, етештерелгән продукция структураһы һәм ассортименты үҙгәрҙе. Предприятие сығарған продукция Рәсәйҙең бөтә энергосистемаларында талап ителә.