Башҡортостан һәм Өфө яңылыҡтары
88.02
0
96.04
0
81.86
-0.77
15+ °C
Болотло
Бөтә яңылыҡтар
Иҡтисад
22 Сентябрь 2009, 18:27

"Ҡатын-ҡыҙ - йыл директоры" конкурсының төбәк этабы

Башҡортостандың Эшҡыуар ҡатын-ҡыҙҙар ассоциацияһы "Ҡатын-ҡыҙ - йыл директоры" Бөтә Рәсәй конкурсының төбәк этабына әҙерлек башланы. Быйыл ул 13-сө тапҡырына үткәрелә.
БР Эшҡыуар ҡатын-ҡыҙҙар ассоциацияһы рәйесе Алла Кузьмина хәбәр итеүенсә, конкурсҡа заявкалар 20 октябргә тиклем ҡабул ителәсәк. Быйылғы ярыш шарттарының береһе - дәғүәселәрҙең бәләкәй предприятие директоры сифатында стажы биш йылдан кәм булмаҫҡа тейеш.
Бөгөнгө көнгә заявкалар Салауат, Стәрлетамаҡ, Благовещен, Өфө эшҡыуарҙарынан килде. Конкурс ноябрҙең 20-ләрендә үткәреләсәк.
Хәтерегеҙгә төшөрөп үтәбеҙ, "Ҡатын-ҡыҙ - йыл директоры" конкурсы идеяһы авторы - Рәсәй Эшҡыуар ҡатын-ҡыҙҙар ассоциацияһы президенты Татьяна Малютина. Конкурстың маҡсаты - предприятиеның үҫешен тәьмин итеүсе ҡатын-ҡыҙ етәкселәрҙе асыҡлау һәм дәртләндереү, төбәктең социаль-иҡтиседи программаларын тормошҡа ашырыуға уларҙың индергән өлөшөн һәм ролен йәмәғәтселеккә танытыу.
Был конкурсты үткәреү йылдарында Башҡортостандан йөҙгә яҡын ҡатын-ҡыҙ лауреат исеме алды, уларҙан 14 еңеүсе исемле миҙалдарға лайыҡ булды, өсәүһенә "Рәсәйҙең атҡаҙанған директоры" исеме бирелде.
Автор:Любовь Колоколова
Читайте нас: