1 августан пенсиялар арта

Рәсәйҙә 1 августан хеҙмәт пенсияһының страховка өлөшө 7,5 процентҡа күтәрелә. Башҡортостанда был артыу 943 меңдән ашыу пенсионерға ҡағыла.

Рәсәй Пенсия фондының БР буйынса бүлексәһе матбуғат хеҙмәте хәбәр итеүенсә, был инде йыл башынан алып пенсияны өсөнсө тапҡырына арттырыу. Хәтерегеҙгә төшөрөп үтәбеҙ, беренсе индексация 1 мартта үткәйне - хеҙмәт пенсияһының база өлөшө һәм социаль пенсия 8,7 процентҡа арттырылғайны. 1 апрелдән ҡартлыҡ буйынса хеҙмәт пенсияһының страховка өлөшө 17,5 процентҡа артҡайны.

Пенсияны киләһе арттырыу 1 декабргә билдәләнгән - хеҙмәт пенсияһының база өлөшө һәм социаль пенсия 31,4 процентҡа индексацияланасаҡ. Шулай итеп, 2009 йылда пенсиялар дүрт тапҡыр индексацияланасаҡ.

Рәсәй Пенсия фондының БР буйынса бүлексәһе идарасыһы Фоат Хантимеров һүҙҙәренә ҡарағанда, бөтә арттырыуҙар һөҙөмтәһендә республикабыҙҙа ҡартлыҡ буйынса хеҙмәт пенсияһының уртаса күләме 35 процентҡа артасаҡ һәм 6127 һум тәшкил итәсәк. Социаль пенсияның уртаса күләме йыл аҙағына пенсионерҙарҙың йәшәү минимумы күләменә етәсәк.

Пенсиялар һәм башҡа социаль түләүҙәргә 1 августан төбәк буйынса өҫтәмә рәүештә 226 миллион һум талап ителәсәк. Дөйөм алғанда, августан республика буйынса пенсиялар һәм айлыҡ аҡсалата түләүҙәргә сығымдар айына 5,9 миллиард һумдан ашыу тәшкил итәсәк.

Автор:Марият Артюхова

Теги:пенсия арта индексациялау

Читайте нас:

Рубрики

Электрон почта

Адресы

450077, Уфа, Кирова, 45

Реклама хеҙмәте

(347) 250-11-11

Редакция

(347) 250-07-28

Ҡабул итеү бүлмәһе

(347) 250-05-07

Хеҙмәттәшлек

(347) 250-06-14

Кадрҙар бүлеге

[email protected]

Кире бәйләнеш

© 1992-2024 АО ИА «Башинформ». Свидетельство о регистрации СМИ № ТУ 02-01609 от 25.09.2017 г., выдано Управлением Федеральной службы по надзору в сфере связи, информационных технологий и массовых коммуникаций по Республике Башкортостан.

Вся информация и материалы, размещенные на сайте www.bashinform.ru защищены международным и российским законодательством об авторском праве и смежных правах.

18+ запрещено для детей.

При перепечатке или цитировании ссылка на ИА «Башинформ» обязательна. Для интернет-изданий и социальных сетей прямая активная гиперссылка обязательна. Использование логотипа ИА «Башинформ» в целях, не связанных с ссылкой на агентство при перепечатке или цитировании, допускается только с письменного разрешения АО ИА «Башинформ».