"Полиэф" продукцияһының юғары сифатын Евросоюзда раҫланылар

"Полиэф" асыҡ акционерҙар йәмғиәте Башҡортостан полиэтилентерефталатының (ПЭТФ) аҙыҡ-түлек продукттары менән контактҡа инеүсе материалдарға ҡарата ҡуйылған Европа закондары талаптарына тап килеүен раҫлаусы сертификат алды. Британияның PIRA International Ltd. тикшеренеү үҙәге тарафынан үткәрелгән тикшереүҙәр "Полиэф" асыҡ акционерҙар йәмғиәтендә етештерелгән полиэтилентерефталаттың (ПЭТФ) Евросоюз территорияһында аҙыҡ-түлек төрөү өсөн яраҡлы булыуын раҫланы, тип хәбәр иттеләр предприятиеның матбуғат хеҙмәтенән.

ПЭТФ-тан әҙерләнгән өлгөләр ЕС 97/48/ Директиваһына ярашлы имитацион аҙыҡ-түлек продукттарында дөйөм миграцияны билдәләүгә һыналды. Алынған һөҙөмтәләр дөйөм миграцияның сикке билдәләренән кәмерәк булып сыҡты.

Сертификат ПЭТФ-тың сифатын һәм хәүефһеҙлеген раҫлаусы төп билдә булып тора һәм "Полиэф" акционерҙар йәмғиәте полиэтилентерефталатын Европа баҙарына сығарырға хоҡуҡ бирә.