Башҡортостанда бензинға хаҡтар кәмене

Бөгөндән Башҡортостанда бензин тағы ла арзанайҙы. "Башнефть" акционерҙар нефть компанияһы" асыҡ акционерҙар йәмғиәте һәм "Башкирнефтепродукт" асыҡ акционерҙар йәмғиәтенең бөтә автозаправка станцияларында бензиндың бөтә маркаларына һәм дизель яғыулығына ваҡлап һатыу хаҡтары сираттағы тапҡыр кәметелде. "Нормаль-80", "Супер-98" һәм "Евро" дизель яғыулығының бер литры - 50 тингә, "Регуляр Евро- 92/4", "Премиум Евро-95,4" маркалы бензиндың бер литры 70 тингә арзанайҙы. Был инде 2009 йыл башынан алып хаҡтарҙы бишенсе тапҡыр кәметеү.