Мәскәүҙә Бәләкәй һәм урта бизнес көндәре үткәреләсәк

26-29 майҙа Мәскәүҙә Рәсәй эшҡыуарлығы көнөн байрам итеү сиктәрендә Рәсәй Бәләкәй һәм урта бизнес көндәре үткәреләсәк. Сараны үткәреү майҙансығы итеп Бөтә Рәсәй күргәҙмә үҙәгенең 69-сы павильоны һайланған. Был көндәрҙә Бөтә Рәсәй күргәҙмә үҙәгендә Рәсәй Федерацияһы төбәктәре тарафынан эске һәм тышҡы баҙарҙарға сығарыу өсөн тәҡдим ителгән инновацион һәм башҡа тауарҙарҙы, эш һәм хеҙмәтләндереүҙәрҙе күрһәтеп, бәләкәй һәм урта бизнес предприятиелары продукцияһынан күргәҙмә- йәрминкә ойоштороласаҡ. Ошо көндәрҙә Федерация Советында үткәрелгән ойоштороу комитеты ултырышында "Рәсәй Бәләкәй һәм урта бизнес көндәре-2009" сиктәрендә иң яҡшы инновацион проектҡа һәм иң яҡшы продукцияға, ҡорамалға һәм хеҙмәтләндереүгә (инвестиция реестрына һәм дәүләт заказына иң яҡшы эшкәртмәләр индереү хоҡуғы менән) конкурстар үткәреү тураһында тәҡдим хупланды. Шулай уҡ Рәсәй Федерацияһының эшҡыуарлыҡты яҡлау буйынса иң яҡшы төбәгенә (субъектына) смотрға йомғаҡ яһаласаҡ, тип хәбәр итә Федерация Советы матбуғат хеҙмәте. Башҡортостан эшҡыуарҙары был сарала ҡатнашыу өсөн саҡырыла.