Башҡортостан һәм Өфө яңылыҡтары
93.59
+0.15
99.79
+0.07
89.77
-0.34
11+ °C
Болотло
Бөтә яңылыҡтар
Иҡтисад
2 Апрель 2009, 18:24

Орлоҡ фонды сәсеүгә әҙер

Башҡортостандың ауыл хужалығы етештереүселәре алдағы сәсеүгә әҙерләнә. Республиканың Ауыл хужалығы министрлығы матбуғат хеҙмәте хәбәр итеүенсә, быйыл яҙғы сәсеү ике миллион гектарҙа үткәреләсәк. Был былтырғыға ҡарағанда 60 мең гектарға күберәк. Атап әйткәндә, иген һәм ҡуҙаҡлы иген культуралары - 1,4 миллион гектар (былтырғынан 57 мең гектарға күберәк), шәкәр сөгөлдөрө - 60 мең, май орлоғона көнбағыш 110 мең гектар майҙанға сәселәсәк. Төбәк хужалыҡтары кәрәкле орлоҡ күләме - 350 мең тонна - туплаған. Бынан тыш, страховка фондында 43 мең тонна бар. Белгестәр әйтеүенсә, бөтә иген һәм ҡуҙаҡлы иген культуралары орлоҡтары кондицияға еткерелгән. Ауыл хужалығы етештереүселәре алдына сәсеүҙе репродукцион орлоҡтар менән үткәреү бурысы ҡуйылған. Иген баҫыуҙарының ундан бер өлөшөнә элиталы орлоҡтар сәселергә тейеш.
Автор:Марият Артюхова
Читайте нас: