Өфөлә "Нефть љәм сәләмәтлек" конференцияһы үтәсәк

Өфөлә 27 майҙа үтәсәк "Нефть һәм сәләмәтлек" Бөтә Рәсәй ғилми-ғәмәли конференцияһына әҙерлек башланды. Ул нефть табыу, нефть эшкәртеү, нефть-химия һәм сәнәғәттең башҡа тармаҡтары хеҙмәтсәндәренең сәләмәтлеген һаҡлау, халыҡтың санитар-эпидемиологик именлеген тәьмин итеү маҡсаттарында үткәрелә. Конференцияла производство һәм тирә-яҡ мөхит гигиенаһының хәҙерге торошо; ауырыуҙарҙы һәм производствола имгәнеүселәрҙе медик-социаль реабилитациялауҙы камиллаштырыу; химик факторҙар йоғонтоһоноң законлыҡтары кеүек мәсьәләләрҙе ҡарарға планлаштырыла. Конференцияла ҡатнашыусылар араһында - Мәскәү, Түбәнге Новгород, Новосибирск, Санкт-Петербург, Һарытау, Өфө ҡалаларынан ғилми-тикшеренеү институттары һәм үҙәктәре ғалимдары, Роспотребнадзорҙың Башҡортостан Республикаһы, Татарстан Республикаһы, Төмән өлкәһе буйынса идаралыҡтары вәкилдәре.