Эшҡыуарлыҡҡа финанс ярҙамы барыһына ла еткереләсәк

Башҡортостан Республикаһында Бәләкәй һәм урта эшҡыуарлыҡ субъекттарын үҫтереү программаһына ярашлы, эшҡыуарлыҡ эшмәкәрлеге менән шөғөлләнеүсе һәм дәүләттән финанс ярҙамы алыуға дәғүә итеүсе граждандарҙан документтар ҡабул ителә башланы. Бында һүҙ бизнес менән шөғөлләнеүҙең башланғыс стадияһында бәләкәй эшҡыуарлыҡ субъекттарын субсидиялаштырыу; кредит килешеүҙәре буйынса процент ставкаһының бер өлөшөн, страховка взностары өлөшөн, күргәҙмә-йәрминкә сараларында ҡатнашыу буйынса сығымдар өлөшөн субсидиялаштырыу тураһында бара. Бәләкәй һәм урта бизнесҡа дәүләт ярҙамы төрҙәре тураһында тулы мәғлүмәт www.mbbash.ru һәм mfrt.bashkortostan.ru сайттарында бирелгән. Программа буйынса республика бюджетынан бүленгән аҡса - 500 миллион һумға федераль бюджеттан ҡушма финанслау шарттарында ярайһы уҡ сумма өҫтәлә - программа талаптарына яуап биргән эшҡыуарҙарға етергә тейеш. Өфөлә документтар ҡабул итеү менән БР Бәләкәй эшҡыуарлыҡты үҫтереү һәм ярҙам итеү фонды шөғөлләнә. Ғаризалар ҡабул итеү пункттарын киңәйтеү планлаштырыла, шул иҫәптән республика баш ҡалаһында ла. Ошо көндәрҙә эшҡыуарҙар өсөн ҡабул итеү пункттары адрестары һәм белгестәрҙең фамилиялары баҫылып сығасаҡ. Килеп тыуған һорауҙар буйынса 279-96-34 һәм 279-96-18 телефондары аша мөрәжәғәт итергә мөмкин.