Өфө торлаҡҡа хаҡтар буйынса 20-се урында

Ольга Горюнова

Өфө Рәсәйҙең 500 меңдән ашыу кеше йәшәгән 35 ҙур ҡалаһы араһында икенсел баҙарҙағы торлаҡ хаҡы буйынса 20-се урынды биләй.

Апрель башына Рәсәйҙең бөтә ҡалаларында тиерлек торлаҡҡа хаҡ кәмеүе күҙәтелә. Ләкин статистика әлегә февраль айы мәғлүмәттәре менән эш итә. Март башына Рәсәйҙең ҙур ҡалаларында бер квадрат метр торлаҡтың уртаса хаҡы 44 мең һумға тигеҙ булды, был бынан алдағы ай күрһәткестәренән 2,7 процентҡа кәмерәк. Йыл башынан алып хаҡтар 8,9 процентҡа кәмене.

Март башына бер квадрат метр өсөн 43500 һум хаҡ менән Өфө ҡалаһы Рәсәй Федерацияһының 500 меңдән ашыу кеше йәшәгән 35 ҡалаһы исемлегендә 20-се урынды биләне. Февралдә Өфөлә күсемһеҙ милеккә хаҡтар 4,4 процентҡа кәмене, тип билдәләй аналитиктар.

Торлаҡҡа хаҡтарҙың ҡырҡа үҙгәреүе Мәскәүҙә теркәлгән, унда бер айҙа хаҡтар 9,7 процентҡа кәмегән. Унан ҡала Волгоград (7,9 процентҡа), Владивосток (7,5), Дондағы Ростов (5,6), Һарытау (5,3), Һамар (5,2) килә.

Квадрат метрҙың хаҡы 33 мең һумға тиклем төшкән ҡалаларҙа тотороҡланыу күҙәтелә: унда хаҡтар кәмемәй. Ижевск, Яр Саллы, Ульяновск ҡалаларында икенсел торлаҡ баҙарында хаҡтар түбәнге нөктәһенә етте.

#торлаҡ #хаҡтар

Присоединяйтесь — больше и быстрее в наших соцсетях:

Рубрикалар

Рубрикалар

Үҙебеҙҙекеләрҙе ташламайбыҙ

Медицина

Форматтар

Яңылыҡтар

Мәҡәләләр

Адрес

450077, Өфө, Киров урамы, 45 (347) 250-05-07

Рекламная служба

(347) 250-11-11 adv@bashinform.ru

Редакция

(347) 250-07-28 inf@bashinform.ru

© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.

Об использовании персональных данных

Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.

18+

Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.

«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.