Башҡортостанда «Бер кереш уҡтары» фильмы бушлай күрһәтелә
4 ноябрҙә республиканың муниципаль кинотеатрҙарында Башҡортостан Башлығы грантына төшөрөлгән «Бер кереш уҡтары» фильмы бушлай күрһәтелә. Был сара Берҙәмлек көнөнә һәм Рәсәй халыҡтары берҙәмлеге көнөнә бағышлана.
Башҡортостан Кинематографистар союзының матбуғат хеҙмәтенән хәбәр итеүҙәренсә, кинотеатрҙар исемлеге даими тулыланып тора.
«Фильм бик актуаль, ул ике төп герой — бала саҡтан дуҫтар Илнар һәм Сыңғыҙ күҙҙәре менән тыуған ергә һөйөү темаһын күтәреп сыға. Башҡорт киноһы тәүгә Башҡортостанда, Өфөлә һәм Бөрйән районында ғына түгел, башҡа илдәрҙә лә төшөрөлдө, — тип һөйләне фильмдың режиссеры Роман Пожидаев. — 2027 йылда киң прокатка сығабыҙ, әлегә республикабыҙ халҡына ошондай бүләк яһарға булдыҡ».
«Бер кереш уҡтары» фильмының жанры – драма, роуд-муви (18 +). Сюжет буйынса, 2022 йылдың сентябрендә алынған повестка ике бала саҡ дуҫын айыра. Илнар, Өфөнән режиссёр, илдән китә, актёр Сыңғыҙ МХО-ға юллана. Илнарҙың ҡатмарлы юлы Эстония, Ҡаҙағстан, Төркиә һәм Грузия илдәре аша үтә.
Фильм өҫтөндә халыҡ-ара команда эшләгән. Сценарий авторы —Зөһрә Бураҡаева, ҡуйыусы режиссер — Роман Пожидаев, ҡуйыусы операторҙар — Дмитрий Ботев (Мәскәү) һәм Александр Плотников (Ҡаҙағстан) һәм башҡалар. Төп ролдәрҙә Ярослав Кац, Ратмир Ғарифуллин (Ҡазан), Йәмилә Мөҙәрисова, Александр Мякушко (Мәскәү), Олжас Тогымбет, Гурам Бенделиани (Ҡаҙағстан), Әлфирә Заһиҙуллина, Александр Троицкий, Әхәт Хөсәйенов, шулай уҡ Өфөнән йәш актёрҙар Баязит Тайыпов һәм Әмир Миңлебаев уйнай.
Фильмды күрһәтеүҙе ойоштороусылар Башҡортостан Республикаһының Мәҙәниәт министрлығы, Ә.Абдразаҡов исемендәге «Башҡортостан» киностудияһы, «Импульс» сәнғәтте үҫтереү үҙәге һәм Башҡортостандың Кинематографистар союзы.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.