HAZINA этно-проекты Ҡаҙағстанда үткән фестивалдә Башҡортостан исеменән сығыш яһаны
Төркөм 50 меңдән ашыу тамашасыны башҡорт мәҙәниәте һәм милли уйын ҡоралдары яңғырашы менән таныштырҙы.
HAZINA этно-проекты йәнә халыҡ-ара аренала яңғыраны. Ил халҡы һәм сит ил ҡунаҡтары Ҡаҙағстандың көнсығышында урынлашҡан Катон-Ҡарағайға йыйылды. Бында «Алтай – төрки донъяһының алтын бишеге» халыҡ-ара фестивале үтте.
Программала мәҙәни һәм спорт саралары бар ине, тип һөйләне төркөмдөң етәксеһе Земфира Рәшитова. «Ән Тамыры» гала-концерты төп ваҡиғаға әүерелде. Фестивалдә Ҡаҙағстан, Азербайжан, Ҡырғыҙстан, Төркиә, Үзбәкстан, Монголия, Венгрия һәм Рәсәй – Башҡортостан һәм Тыва республикалары артистары ҡатнашты. Димаш Кудайберген концерттың махсус ҡунағы булды. Фестивалгә бик күп ҡунаҡтар, яҡынса 50 мең кеше килде.
Фестивалдең маҡсаты – төрки донъяһы илдәренең мәҙәни бәйләнештәрен нығытыу, ҡунаҡтарҙы Алтайҙың тарихи мираҫы менән таныштырыу һәм төбәктең туристик ҡеүәтен күрһәтеү. Ойоштороусылар HAZINA төркөмөнөң сағыу һәм үҙенсәлекле сығышын билдәләп үтте. Халыҡ йырҙарын заманса башҡарыу тамашасыларҙа һәм журналистарҙа ҙур ҡыҙыҡһыныу уятты.
2-4 июлдә HAZINA төркөмө Дағстан Республикаһында «Аһәң» кросс-милли музыкаль мәҙәниәт фестивалендә ҡатнашты. Күләмле мәҙәни сара илдең төрлө төбәктәренән ижади коллективтарҙы һәм башҡарыусыларҙы берләштереп, дуҫлыҡ, милли традициялар һәм музыка сәнғәте байрамына әүерелде. Фестиваль Махачкала, Каспийск һәм Кизилюрт ҡалаларында уҙҙы. Сәхнәлә Татарстан Республикаһы, Тыва Республикаһы, Башҡортостан Республикаһы, Мордовия Республикаһы, Санкт-Петербург, Мәскәү өлкәһе һәм илдең башҡа төбәктәренән артистар сығыш яһаны.
Бынан алдараҡ «Хазина» этно-проектының Башҡортостан Республикаһы көнөнә ҡарата клип төшөрөүе тураһында яҙғайныҡ.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.