Башҡортостанда Салауат Юлаевҡа бағышланған конкурс иғлан ителде
16 июндә, Салауат Юлаевтың тыуған көнөндә, Башҡортостан Республикаһы Яҙыусылар союзы ҡарамағындағы йәш яҙыусылар советы яңы конкурс тураһында иғлан итте. Милли батырыбыҙ Салауат Юлаевҡа арналған конкурс шәхестең тормош юлы тураһында яңы асыштарға саҡыра.
Әҙиптәрҙән башҡорт телендә яҙылған эштәр ҡабул ителә. Авторҙар 18 йәштән өлкән булырға тейеш. Эштәр ике номинацияла баһалана: «Шиғриәт» (шиғырҙар, поэмалар һәм башҡалар) һәм «Проза» (хикәйәләр).
— Йәш яҙыусылар советы республиканың талантыл йәш шағирҙарын һәм яҙыусыларын берләштерә, йәштәр әҙәбиәтен популярлаштырыуға, йәш авторҙарға ярҙам итеүгә йүнәлтелгән саралар ойоштороуҙы һәм үткәреүҙе күҙ уңында тота, — тип һөйләне Йәш яҙыусылар советы етәксеһе, шағирә һәм журналист Таңсулпан Рәсүл. — Беҙҙең тәүге конкурс әҙәбиәтебеҙҙә яңы исемдәр асыуға һәм әҙәбиәттә милли батырыбыҙ Салауат Юлаевтың исемен яңы яҡтан мәңгеләштереүгә булышлыҡ итер тип уйлайым.
Конкурсҡа йомғаҡ Милли геройҙы иҫкә алыу көнөндә – 26 сентябрҙә яһала.
Шулай уҡ беҙ Палдиски ҡалаһында Эстония башҡорттарының Салауат Юлаевты хөрмәтләп иҫкә алыуҙары тураһында яҙғайныҡ.
www.bashinform.ru
© 1992-2026 «Башинформ» мәғлүмәт агентлығы» акционерҙар йәмғиәте. ТУ 02-01609 һанлы киң мәғлүмәт сараһын теркәү тураһындағы таныҡлыҡ Элемтә, мәғлүмәт технологиялары һәм киң коммуникациялар өлкәһендә күҙәтеү буйынса федераль хеҙмәттең Башҡортостан Республикаһы буйынса идаралығы тарафынан 2017 йылдың 25 сентябрендә бирелгән.
Об использовании персональных данных
Bashinform.ru сайтында баҫылған бөтә мәғлүмәттәр һәм мәҡәләләр халыҡ-ара һәм Рәсәй авторлыҡ хоҡуғы һәм уға бәйле хоҡуҡтар тураһындағы ҡануниәте менән яҡланған. «Башинформ» мәғлүмәт агентлығының бөтә хәбәрҙәре лә 18 йәштән өлкән ҡулланыусыларға тәғәйенләнгән.
18+
Мәҡәләләрҙе күсереп баҫҡанда, йә уларҙы өлөшләтә файҙаланғанда «Башинформ» мәғлүмәт агентлығына һылтанма яһау мотлаҡ. Интернет-баҫмалар һәм социаль селтәрҙәр өсөн тура актив гиперһылтанма мотлаҡ. «Башинформ» мәғлүмәт агентлығы логотибын мәҡәләләрҙе күсереп алғанда йәки цитаталар килтергәндә агентлыҡҡа һылтанма менән бәйле булмаған маҡсаттарҙа файҙаланыу өсөн «Башинформ» мәғлүмәт агентлығы акционерҙар йәмғиәтенең яҙма рөхсәте кәрәк.
«Башинформ» мәғлүмәт агентлығы логотибын ҡулланыу, сайттағы мәғлүмәттәрҙе һылтанма менән күсереп баҫыу һәм өлөшләтә ҡулланыу осраҡтарынан тыш, акционерҙар йәмғиәтенең яҙма ризалығы менән генә рөхсәт ителә.